2 Samueli 14:14 - Amazwi Yakwe Leza 2013

¹⁴ Swensi pano sweswe ina kufwa. Twaya wa manzi yano yitika pansi, atange yazyolwe. Lelo Leza asicita utazi wa katwe, wene angalonda inzila iya kuwezezyamo umuntu ukufuma kuno utukila.

2 Samueli 14:14 ပူးပေါင်းရင်းမြစ်များ

2 Samueli 11:25

Davidi nawe anena inkombe ati, “Komelezya Yoabu nupya umunene ukuti atalinzile ukusakamikwa, pano umuntu akufwa umu nkondo asimanyika, awe. Lemasya sana ukulwisya umusumba nu kuwonona.” Umunene vii kuti umukomelezye.

2 Samueli 14:15

“Musambazi, ala cino niza navwangila vii kuli wewe, pamulandu wakuti antu yatiyalenga kuti nuvwe intete. Ne muomvi wako nalinelenganya nati, ‘Kamvwange ku mwene. Limwi wene angancitila cino ne muomvi wakwe namamulenga.

1 Yamwene 11:39

Apamulandu wa vintu iviipe vino Solomoni watacita, ndacuzizyamo amu mupanda wakwe Davidi, lelo kwene asi lyonsi foo.’ ”

Yobo 14:14

Uzye umuntu ndi wafwa, angaya nu umi nupya? Ndi cakuti ali vino cingaya nemo fwandi apa manda yonsi yano ningakuombela ningalolela ukufika napa nsita ino amalanda yane yangansilila.

Yobo 30:23

Lyene natimanya ukuti watuntwala ku mfwa sile. Akuno tuce tukakomenkane na afwe.

Yobo 34:15

lyene ivintu ivyaumi vyonsi vingalowa pyu. Nu muntu kwene angafwa aswilile nuku lukungu.

Yobo 34:19

Wene nu kuntunguluzi kwene atakwata akasoozi, asipaatulula pakasi ka akama na apina, pano yonsi kwene, iviumbwa vya kumakasa yakwe.

Masamu 22:14

Nemo natintemboka, lyene nkwituluka sile wa manzi. Na mafupa yane nayo yatiyafyontoka. Umwenzo wane ukoline ipula, ilyatilisunguluka.

Masamu 22:15

Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.

Masamu 58:7

Leka yakonkoloke sile wakwe mulamba, yalyatolwe wi sote lya mwikula.

Masamu 77:8

Uzye lyene wata ukutemwa? Uzye lyene ulayo wakwe utaciomba?

Masamu 79:3

Uwazi wa antu yako yati yaupongolola wa manzi. Uwazi uku konkoloka umu Yelusalemu wakwe mulamba. Kutasile nanti wenga uwakuzika ivyala vya yauze.

Masamu 90:10

Imyaka ya umi witu yapelela sile apa myaka amakumi cinimbali. Antu ya maka ayano yakafika uku myaka amakumi cinani. Nga lelo imyaka ya umi witu yonsi pano yapela ikatuletela sile amasakamiko na malanda. Ikapita sile zuwazuwa, naswe kwene ala ali mikukile.

Masamu 90:3

Wemo ukaswilizya umulawa uku lukungu uti nu kuti, “Swilila we, kuno wafumile!”

Kufuma 21:13

Lelo ndi cacitika sile mu uzanzo, wene atamupanga kumukoma, lyene umuntu wiyo apuukile ku cifulo cino ndamupaatwila, akuno azine.

Kasambilizya 9:5

Endi, antu lino yacili nu umi yakamanya ukuti yalafwa. Lelo afwe yatamanya nanti acimwi. Yene yatakwata icilambu nacuze. Yene yililika pyu.

Nyimbo zya ndosya 3:31

Pano kwene Yawe wakwatisya uluse nupya atalatala atukanole lyonsi foo.

Ezekelo 18:23

Nemo ne Yawe Simwandalali nkuuzya inti, ‘Uzye nemo ne Yawe nkasansamuka pakulola umuntu mwipe kuno wafwa?’ Ala asi vivyo foo, lelo nemo nkasansamuka pakulola umuntu mwipe kuno wazenzuka nu kuya nu umi.

Aina Levi 26:40

“Lelo amu mupanda winu yalailongwela maifyo yao na maifyo ya vikolwe vyao vino vyankanyile nu kunsangukila,

Mpendwa 35:15

Aina Izlaeli yonsi nga na inamasi kwene yano yiiza yikala kunomuli, ndi umwi wakoma umuntu umwi ukusi ku mufulo, wene angapuukila ku muzi onga pa mizi iyo mutanda ku kuzina.”

Mpendwa 35:25

Iuvi lilinzile kutaasya umuntu wino yapeela umulandu wa utazi wa katwe kuli kalandula wa wazi. Nupya yalinzile kumuswilizya ku musumba wa kuzina kuno wapuukile. Kuli kuno ali nu kutala aikala, suka sile lino Simapepo Mukulu uwapakwa amafuta yamuzilo ace afwe.

Mpendwa 35:28

Pano isunde ilya penepo ilyakuti, uwakoma umuntu ali nu kusyala mu musumba wa kuzina mpaka Simapepo Mukulu ace afwe alino lyene angaswilila ku musumba wakwe kuno wafumile.

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Milimo 10:34

Petulo atandika ukuvwanga ati, “Ndakai namanya vino ica cumi Leza ataya na kasoozi pa muntu ali wensi.

Loma 2:11

Pano Leza ataya na kasoozi.

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Ayebulai 9:27

Muntu wensi alinzile ukufwa lyonga nga pacisila apingulwe na Leza.

1 Petulo 1:17

Lino mukupepa mukaama Leza muti, “Tata.” Wene ataya na kasoozi. Lelo akapingula antu yonsi kulingana na vino cila muntu wacita. Acino lyene mwacindika Leza lino mucikweti umi muno nsi.