2 Samueli 13:3 - Amazwi Yakwe Leza 2013

³ Lelo Amunoni wakweti cuza umwi umucenjele sana, izina lyakwe wali a Yonadabu, umwana wakwe Syimea umwina wakwe Davidi.

2 Samueli 13:3 ပူးပေါင်းရင်းမြစ်များ

Utandiko 3:1

Lyene inzoka yali icenjelesye pa viumbwa vyonsi vyamu mpanga vino Yawe Leza waumvile. Inzoka yuzya umwanaci iti, “Uzye icacumi Leza wamuinda ukulya iviseekwa vyaku miti yonsi yamu calo?”

Utandiko 38:1

Pa nsita ilya Yuda apaatuka afuma ku ina yakwe, apita aya aikala na Hila mwina musumba wa Adulamu.

Utandiko 38:20

Yuda nawe ukwakwe aya atuma cuza wakwe, Hila ukufuma ku Adulamu, amutumilizya imfwele kuti akamukombwele vino wasile ku mwanaci vyakwe kamukole. Muze ataile akazane umwanaci wilya.

2 Samueli 13:2

Amunoni wamutemilwe wakwe cimwi mpaka asuka alwalilapo, pamulandu wakuti atazanyile inzila iya kumuzembelekela. Wakwe umwi atatala wamanya umonsi, Tamala wasunzilwe sana ku kukana kumanya umonsi.

2 Samueli 13:32

Lelo Yonadabu umwana wakwe Syimea, umwina wakwe Davidi, avwanga ati, “Mwene wakwisaci, ala utelenganya ukuti yatiyakoma ana yako yonsi. Lelo Amunoni mutupu uwatafwa. Lii lyali ipange lyakwe Abusalomu ukufuma sile lino Amunoni waifizye Tamala kaci wakwe.

2 Samueli 13:4

Yonadabu anena Amunoni ati, “Wewe mwana wa mwene, lelo cila wanda ukaloleka umukungumale. Uzye icani cikukucuzya?” Amunoni nawe amwaasuka ati, “Nemo nkukumbwa Tamala, kaci wa mwinane Abusalomu.”

2 Samueli 14:2

Acino Yoabu atuma umuntu umwi ku Tekoa uwakuya senda umwanaci umwi uwamano. Lino umwanaci wilya wafika Yoabu amunena ati, “Nkulonda kuti uicite wa muntu ali ni ndosya. Uzwale nu mupango ku mutwe, utasakula ni nyele. Uloleke kwati aumwi uwapokelile mpiti indosya.

2 Samueli 21:21

Ipaka lii ilisausya aina Izlaeli, nga Yonatani umwana umonsi wakwe Syimea, umwina wakwe Davidi, alikoma.

1 Milandu 2:13

Yese wali a isi wakwe Eliabu, iyeli lyakwe nga wakwe ciili wali a Abinadabu, wakwe citatu wali a Syimea,

1 Milandu 27:32

Yonatani, nyinalume wakwe Davidi, wali a mpandamano, umuntu umulamoke nupya wasambilile wakwe cimwi. Yeeiyeli umwana umonsi wakwe Hakimoni wasambilizyanga ana yamwene.

Esita 5:10

Lelo Hamani azizimizya nu kuivulunganya kwati atasosile, apita aya nu ku ng'anda ukwakwe. Alino lyene aama yacuza yakwe nu kulenga Zelesyi kuti aize apali ponga nayo ukwakwe.

Esita 5:14

Zelesyi umuci wakwe pamwi na auze yakwe yonsi yamutolelela iyati, “Si wemo yanga sile ukimike icimuti icitali icingafika nu ku mamita amakumi yaili na yatatu. Mutondo akatondo tondo uce ukanene umusambazi ukuti Modekai akulikwe sile. Alino muce muye uku cimulo pamwi nu mwene ni myenzo isansamuke.” Apakuvwa vivyo, Hamani pasi pakusansamuka. Apela ni lamulo lya kwimbila icimuti ukwakukulikila Modekai.

Esita 6:13

Atandika nu kunena umuci Zelesyi na yacuza yakwe yonsi, vyonsi ivyali vyamucitikila. Zelesyi umuci wakwe pamwi na yacuza yakwe yonsi amano iyamunena iyati, “Wemo watandika ukucimba kuli Modekai. Wene u Muyuda inkonko, nga wemo uli nu kumufilililwa sile. Wemo ale casila, wasenda iyatepa!”

Mapinda 19:6

Umuntu mukankala, antu aingi yakamulyombeka, nupya umuntu kapekape acuza wakwe yonsi.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

1 Kolinto 3:19

Pano cintu cino amu nsi yakwelenganya ukuti ica mano, cene uwelewele pa manso yakwe Leza. Cili ndi vino calembwa mu malembelo cati, “Leza akalema antu yamano mu ucenjezi wao.”

Yakobo 3:15

Mano amusango uu yasyafuma kuli Leza. Yene amano yamu nsi auntunze nupya yakwe Ciwa umwisikulu.

Yakapingula 14:20

Umuci wakwe Samusoni wapilwe kuli cuza wakwe uwali umukalamba wa winga wakwe.

1 Samueli 16:11

Alino Samueli auzya Yese ati, “Uzye utakweti ana aonsi nayauze?” Yese nawe aasuka ati, “Kwasyala sile kasuli wao. Lelo akucema imfwele.” Samueli nawe amunena ati, “Tuma akuyamuleta. Tusikutandika ukulya mpaka sile afike.”

1 Samueli 16:9

Yese pali pakunena Syama ukuti nawe akapite pali Samueli. Lelo Samueli amunena ati, “Awe, nawe kwene asi ali wino Yawe asolwile.”