2 Samueli 12:26 - Amazwi Yakwe Leza 2013

²⁶ Pa nsita ilya Yoabu watwalilile ukulwisya Laba, umusumba ukalamba uwa ina Amoni nga lilyo ale kwasyala sile panono kuti aupokolole. Apokolola nu muputule wa mukasi na nkasi ki sano.

2 Samueli 12:26 ပူးပေါင်းရင်းမြစ်များ

2 Samueli 11:1

Apa mwela, lino yamwene yakaya ku ulwi, Davidi atuma Yoabu na makombe yakwe pamwi ni vita vyonsi ivya ina Izlaeli. Nayo pali pakuyalwisya nu kucimvya aina Amoni nga yazinguluka umusumba wa Laba. Lelo Davidi wene wasile umu Yelusalemu.

2 Samueli 11:25

Davidi nawe anena inkombe ati, “Komelezya Yoabu nupya umunene ukuti atalinzile ukusakamikwa, pano umuntu akufwa umu nkondo asimanyika, awe. Lemasya sana ukulwisya umusumba nu kuwonona.” Umunene vii kuti umukomelezye.

2 Samueli 12:25

nga atuma kasema Natani kuti akamutemele izina ati a Yedidaya, pamulandu wakuti Yawe wamutemilwe.

2 Samueli 12:27

Yoabu atuma inkombe kuli Davidi, ati, “Natindwisya umusumba wa Laba nu kupokolola ivifula vyakweo ivya manzi.

2 Samueli 17:27

Lino Davidi wiza ku Maanaimu, iyakomenkana na Syobi umwana umonsi wakwe Naasyi uwafumile ku musumba wa Laba, umu mpanga ya ina Amoni, nga na Makili umwana umonsi wakwe Amiyeli, uwafumile ku Lodebali, nga na Balizilai umwina uwafumile ku Logelimu umu mpanga ya Gileadi.

Masamu 60:9

We Leza, aweni fwandi alantwala ku musumba wi linga? Alantwala uku Edomu aweni?

Ezekelo 25:5

Umusumba winu wa Laba ndausenula uluwa lwa ngamila, ni mpanga inu yonsi mwe ina Amoni, ndaisangula incende yakucemelamo imfwele. Alino mulasininkizya ukuti nene indi Yawe.

Malango 3:11

(Ogi umwene waku Basyani uwasyalikizye kweneko pa ina Lefaimu. Imbokosi umwali icala cakwe yali iya mawe. Umu wipi yali amamita ukulingana yaili, nu mu utali namo yali amamita yani. Imbokosi iyo icilipo na pilelo mu musumba wa ina Amoni ku Laba.)