2 Samueli 12:22 - Amazwi Yakwe Leza 2013

²² Davidi nawe aasuka ati, “Ee, intalyanga nu kumwa lino umwana acili nu umi. Nelenginye ukuti limwi Yawe anganguvwila uluse nu kuleka kuti umwana atafwa.

2 Samueli 12:22 ပူးပေါင်းရင်းမြစ်များ

2 Samueli 12:21

Aomvi yakwe iyamuzya yati, “Swemo twaposiwa ukutezya cii. Lino umwana wako wali nu umi wemo wamulilile nu kukanalya icakulya. Lelo zuwazuwa lino umwana wafwa, wemo ukatuka nu kulya icakulya!”

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

Ezaya 38:5

“Yanga ukanene Hezekiya ndi vino Yawe, Leza wakwe so Davidi akuti, ‘Natinuvwa ukupapata kwako nupya nindola na minsozi yako. Cisuma fwandi nemo namakupozya. Apa manda yatatu, ale waya uku kumpepa umu ng'anda yane. Nakulundilako imyaka ikumi na isano iyakuti ungikala pano nsi.

Yowelo 1:14

Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Yona 1:6

Ciinda wa combo aya kunoli, nga amunena ati, “Uzye ungakasula uli? Katuka upepe kuli leza wako! Limwi amatusumbako amano kuti lyene tutaundwa.”