2 Samueli 12:20 - Amazwi Yakwe Leza 2013

²⁰ Lyene Davidi akatuka pansi, aya mu kufulala, asakula ni nyele zyakwe ningo, nga azwala ni vyakuzwala vyuze. Alino aya ku ng'anda yakwe Yawe atandika nu kupepa. Lino waweluluka ukwi sano ukwakwe, alenga icakulya nga zuwazuwa lino yamwimula alya nu kulya.

2 Samueli 12:20 ပူးပေါင်းရင်းမြစ်များ

2 Samueli 12:19

Davidi alola ukuti aomvi yakwe yakutotozana nga amanya ukuti umwana wilya watafwa. Alino auzya ati, “Uzye umwana watafwa?” Nayo yaasuka yati, “Ee mukwai, watafwa.”

2 Samueli 12:21

Aomvi yakwe iyamuzya yati, “Swemo twaposiwa ukutezya cii. Lino umwana wako wali nu umi wemo wamulilile nu kukanalya icakulya. Lelo zuwazuwa lino umwana wafwa, wemo ukatuka nu kulya icakulya!”

2 Samueli 14:2

Acino Yoabu atuma umuntu umwi ku Tekoa uwakuya senda umwanaci umwi uwamano. Lino umwanaci wilya wafika Yoabu amunena ati, “Nkulonda kuti uicite wa muntu ali ni ndosya. Uzwale nu mupango ku mutwe, utasakula ni nyele. Uloleke kwati aumwi uwapokelile mpiti indosya.

2 Samueli 19:24

Lyene Mefibosyeti, umwizikulu wakwe Saulo, atentemuka ku kwizakomenkanya umwene. Wene atafulile ku ngazo nanti ukupela ivilezu nanti ukufula ivyakuzwala vyakwe ukufuma sile lino umwene wafumile umu Yelusalemu mpaka ukufika lino wawelulwike nu ucimvyo.

2 Samueli 6:17

Alino iyasuka yingizya Mbokosi ya Upangano yakwe Yawe, nga iyayika umu ncende yakweyo umukasi ki taalu lino Davidi wimike. Alino Davidi apeela impolelwa zya mawila yakoca ni zyautandano pa manso yakwe Yawe.

2 Samueli 7:18

Lyene umwene Davidi aingila mwi Taalu lya Ukongano, nga aya aikala pansi atandika ukupepa kuli Yawe ati, “We Yawe Simwandalali, uzye nene weni pamwi na akazi kane, pa kunsunga ukufika na pano mpezile?

Yobo 1:20

Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

Yobo 2:10

Lelo Yobo wene aasuka umuci ati, “Wemo ukulanda wa mwanaci ciwelewele. Lino Leza watutumila icisuma, tukacipokelela. Uzye lyene tungailizyanya uli lino wene watutumila ulanda?” Icaleka fwandi muli vii vyonsi vino Yobo wacululukanga, wene atatazile avwange iviipe nanti vimwi kuli Leza.

Masamu 103:1

We mwenzo wane lumbanya Yawe! Nani kwene wensi kandumbanye izina lyakwe ilyamuzilo.

Masamu 103:8

Ala Yawe uwaluse uwa cikuku, asisoka zuwa, wavulisya ulukundo.

Masamu 39:9

Namaikalanga cele, ukwaula ukuvwanga nanta cimwi, pano awewe watuleka kuti ncule vii.

Masamu 95:6

Izini twingile, katukontamike amausyu itu tumupepe, lekini tufukamile Yawe Kaumba witu!

Mapinda 3:7

Utaezya ukwelenganya ukuti wacenjela ukuluta pali vino waya, wemo uwakwatila Yawe icoopo, uwaleuka iviipe.

Kasambilizya 9:8

Lyonsi uwazwala ivitiswe, nu kupaka amafuta apa manso, apakulanga insansa nu luzango.

Mateo 6:17

Lelo wemo lino ukuizilizya ukulya, ufulale pa manso. Paka umutwe wako na mafuta,

Luka 7:46

Wemo utatala wapongolwela amafuta pa mutwe wane. Lelo wene watapongolwela amafuta acinunu cisuma pa ngazo zyane.

Luti 3:3

Ali cino fulala upakale na mafuta acinunu cisuma, nga uzwale ni vyakuzwala vyako ivisuma ukuluta. Lyene utentemukile ku lwano lwa kupuulila akuno ukasokelele, lelo utaleka amanye zuwa ukuti akuno uli. Ulolele mpaka amale ukulya nu kumwa.

1 Samueli 15:25

Lelo unjeleleko uluse api iifyo lyane, nupya napapata leka tuswilile sile swensi ku Giligali pakuti inje nkafukame nu kupepa kuli Yawe.”

1 Samueli 15:31

Acino Samueli aswilila na Saulo, nga Saulo apepa Yawe.