2 Samueli 11:16 - Amazwi Yakwe Leza 2013

¹⁶ Akatondo lino Yoabu wika ivita umu kuteyamila kuzinguluka umusumba ulya, alola apali ivita vikalale apano aya afyantika Uliya.

2 Samueli 11:16 ပူးပေါင်းရင်းမြစ်များ

2 Samueli 11:15

Muli kalata walemvile ukuti, “Uwike Uliya ku nkolelo pa mulongo wa nkondo kuno ulwi ukavile, uleke yamukome afwe.”

2 Samueli 11:17

Lino aonsi amu musumba ulya yiiza yafuma nu kulwisya Yoabu, yamwi aonsi amu vita vyakwe Davidi yakomilwe kumwi na Uliya umwina Hiti kwene.

2 Samueli 11:21

Uzye mutange mwiusye vino Abimeleki umwana umonsi wakwe Gidyoni wakomilwe? Cali ku Tebezi kuno umwanaci umwi wamuponyezizye umwanansyo ukufuma apapela ya lung'umba amupoola afwa nu kufwa. Uzye pacani cino mwali mwapalamila ku lung'umba?’ Ndi cakuti umwene wamuzya vivyo, lyene mumwasuke muti, ‘Na Uliya kwene umuzya wako umwina Hiti watafwa.’ ”

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

1 Yamwene 2:5

“Akuno cili icintu nacuze kwene icisi cakwilila. Wiusye vino Yoabu umwana wakwe Zeluya wacisile kunondi, pakukoma yamusika akalamba ya vita vya ina Izlaeli, Abineli umwana umonsi wakwe Neli na Amasa umwana umonsi wakwe Yeteli. Wene wayakomile umu nsita ino kwali umutende apakucita icilanduzi pa mfwa zino yene yalenzile kuti zicitike mu nsita ino kwali inkondo. Wene wakomile antu yano yataali nu mulandu, nga nani nazwala umulandu pali vino wacisile nupya nkuculila mwenemo.

2 Yamwene 10:6

Lyene Yeu ali pakuyalembela kalata muze, ati, “Fwandi mwemo ndi cakuti muli ku lusansa lwane nu kuiteyanya mwemwe aiteyanye ukunjela, mutondo apa kasita ndi kakwene, muce muputule imitwe ya ana aonsi ya musambazi winu Aabu, nga mundetele ku musumba wa Yezileele.” Amu mupanda wakwe Aabu, yano yali amakumi cinimbali, yasungwanga ni ntunguluzi zyamu musumba wa Samaliya nu kuyakuzya izilizyo kwene izyayakuzizye.

Mapinda 29:12

Ndi cakuti kateeka wakutika uku mazwi ya ntumpu, ala na aomvi yakwe yonsi nayo kwene yakasanguka yaya aipe.

Oseya 5:11

Antu yakwe Efulemu yakuzunyiwa, nu kufyengelekeziwa pamulandu wa kuuvwila yauze.

Milimo 5:29

Petulo na alondezi yauze yaasuka yati, “Tulinzile ukuyela Leza, kuluta kuyela antu.