2 Samueli 11:15 - Amazwi Yakwe Leza 2013

¹⁵ Muli kalata walemvile ukuti, “Uwike Uliya ku nkolelo pa mulongo wa nkondo kuno ulwi ukavile, uleke yamukome afwe.”

2 Samueli 11:15 ပူးပေါင်းရင်းမြစ်များ

2 Samueli 11:16

Akatondo lino Yoabu wika ivita umu kuteyamila kuzinguluka umusumba ulya, alola apali ivita vikalale apano aya afyantika Uliya.

2 Samueli 11:17

Lino aonsi amu musumba ulya yiiza yafuma nu kulwisya Yoabu, yamwi aonsi amu vita vyakwe Davidi yakomilwe kumwi na Uliya umwina Hiti kwene.

2 Samueli 12:9

Uzye pacani cino wasuuzile amasunde yakwe Yawe pa kucita ulukota wakwe luu pa manso yakwe? Walesile kuti Uliya umwina Hiti afwe umu nkondo pa kuleka aina Amoni yamukome nga utola nu muci kuti aye uwako!

1 Yamwene 15:5

Cali vivyo pamulandu wakuti Davidi wacisile ivisuma pa manso yakwe Yawe, nupya mu manda yonsi ya umi wakwe wene atakanyile kuyela amalamulo yakwe, suka sile pamulandu onga sile wakwe Uliya umwina Hiti wilya.

Masamu 51:14

Untuule uku mpanzela, Leza we katula wane. Alino nu lulimi lwane lumakulumbanyanga apa ulungi wako.

Masamu 51:4

Nemo naifya kunuli awewe sile wenga, awewe naifya, nu kucita ivintu iviipe kuli wewe. Icacumi walungika wakwe cimwi apakunkalipila, walungika apa kumpingula nu kumpela umulandu. Usifyenga umuntu mu upinguzi wako.

Kasambilizya 8:11

Uzye pacani cino antu yakatalila imilandu uku mufulo? Aeci yakapingula ya milandu yasipingula zuwa.

Yelemiya 17:9

“Uzye aweni angatezya vyamu mwenzo wa muntu? Mwene mwazula ucenjezi uwa misango yonsi, nupya uwipe wakwe cimwi.

Yelemiya 20:13

Imbilini Yawe! Lumbanyini Yawe! Wene akapususya yayo atitikiziwa ku maka ya antu aipe.

1 Samueli 18:17

Saulo pali pakunena Davidi ati, “Lola, Melabi umwana wane kaci, nyinalenzi pa yauze. Ali wino namakutwalizya. Cikulu sile ukatale ukandwisizye umukusipa nu kulwa inkondo zyakwe Yawe.” Pano Saulo welenginye ati, “Insikulonda ukukoma Davidi. Lelo aina Filisti ali yano yace yasuke yamukome.”

1 Samueli 18:21

Saulo pali pakwelenganya ati, “Eya! Nkance mupomele Mikala, ukusuka amulyombeleke pakuti aina Filisti ali yano yace yamukome.” Acino Saulo anena Davidi iila lyakwe ciili ati, “Wapelwa akasita nakauze akakuya umukwi wane.”

1 Samueli 18:25

Saulo aasuka ati, “Nenini Davidi muti, ‘Kateeka atakulonda impango zyuze izilusile pa nkanda umwanda onga izyaku onsi wa ina Filisti, pakuti acite icilanduzi pa anisi yakwe.’ ”