2 Samueli 11:11 - Amazwi Yakwe Leza 2013

¹¹ Uliya nawe aasuka Davidi ati, “Aina Izlaeli na ina Yuda yonsi yali ku nkambi, nga umusambazi wane Yoabu nga na makombe ya mwene yatiyakuula insakwe pa mpanga pa mbiliwili. Uzye lyene icani icingaleka nene inje ukwane ku kumwa nu kulya nu kulala nu muci wane? Awe icumi nalaya nu mulapo ukuti cico cene ntange ncicite!”

2 Samueli 11:11 ပူးပေါင်းရင်းမြစ်များ

2 Samueli 11:10

Lino Davidi uvwa ukuti Uliya ataile ukwakwe, amuuzya ati, “Uzye wemo utacifumile pa lwendo ukutali? Uzye pacani cino utaile ukwako?”

2 Samueli 14:19

Umwene nawe auzya ati, “Uzye kwene ukunena ukuti asi a Yoabu wino mwaya nawe muli vyonsi vii?” Umwanaci wilya nawe aasuka ati, “Icumi kwene lino we mwene ucili nu umi, kusi umwi angakutumpoka. Endi, umuomvi wako Yoabu ali wino wanenyile ivyakucita nu kulanda.

2 Samueli 20:6

Acino Davidi anena Abisyai ati, “Syeba amatuletela intazi izingi ukuluta zino Abusalomu watuletile. Toola yakalinda yane akwi sano nga umulondelele pipi pipi pano limwi angaya akikale mu misumba iyakulililwa amalinga nga tumupanye.”

2 Samueli 7:2

Nga alino umwene Davidi anena kasema Natani ati, “Si lola nemo nkaikala mu ng'anda ino yakulwa ni mbao zya mukelide. Lelo Mbokosi ya Upangano yakwe Leza yene ikaikala mwi taalu.”

2 Samueli 7:6

Intatala nikala umu ng'anda ukutandika lino nafumizye aina Izlaeli mu Eguputo, ukufika nu wanda wi lelo. Lelo nkaikala umwi taalu monsi muno tukapita.

Mpendwa 32:6

Mose aasuka ati, “Uzye mukunena ukuti anyonko ndi yaya ku nkondo mwemo mulasyala mutenzi kuno kwene?

Yoane 13:14

Nemo, ne Mwene nupya kasambilizya winu nati mfula ingazo zinu. Namwe kwene mulinzile kufulana ingazo.

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

1 Samueli 1:26

Alino Hana anena Eli ati, “Musambazi, uzye unganjiusya? Anene umwanaci wilya uwimilile muno apipi nawe ala akupepa kuli Yawe.

1 Samueli 14:18

Saulo pali pakunena Aiya ati, “Ndetele cakuzwala ca efodi.” (Pa nsita kwene ilya Mbokosi ya Upangano yakwe Leza yali ku ina Izlaeli.)

1 Samueli 17:55

Lino Saulo walola kuno Davidi akuya ku kukomenkanya umwina Filisti wiya, anena Abineli, musika mukalamba uwa vita vyakwe, ati, “We Abineli, uzye umulumendo wilya amwana weni?” Abineli nawe aasuka ati, “Mwene wakwisaci, vino uli pano umumi, nkulapa ukuti ntamanyile.”

1 Samueli 20:3

Lelo Davidi pali pakumunena nu mulapo ati, “So wamanya ningo sana ukuti wemo wantemwa, acili cino fwandi atangatemwa ukuti wewe we Yonatani umanye umulandu uo. Pasi pano ndi wamanya umwenzo wako ungakuwaya sana. Acili cino fwandi nkulapa kunuli umwi zina lyakwe Yawe uwa umi nupya lino wemo ucili nu umi, ukuti kwasyala panono sile kuti nemo imfwe.”

1 Samueli 25:26

“Ali cino fwandi musambazi nemo nalapa ukuti Yawe aliwe uwali wakulesya ukukoma antu yaa pa kukanacita icilanduzi. Ali cino nemo nkuti anisi yako na yayo yonsi akulonda ku kukoma yakawe nalyo wakwe Nabali kwene.

1 Samueli 4:4

Acino antu iyatuma aonsi yamwi ku Syilo, nga nayo iyawezya Mbokosi ya Upangano wakwe Yawe Wamaka yonsi, wino icilimba cakwe ica wene caya pakasi kakwe yakelubi. Ana yakwe Eli yaili. Hofini na Pineasi, yali kuku pamwi ni Mbokosi ya Upangano ilya.