2 Samueli 1:2 - Amazwi Yakwe Leza 2013

² Pa wanda uwalenga yatatu ikwiza umuntu umwi ukufuma ku nkambi yakwe Saulo, ala azwite ivyakuzwala ivilepuke. Alino ku mutwe wakwe ala kuli swe ku lukungu. Lino wafika kuli Davidi apona pansi afukama nu kumukunkwila pa kulanga umucinzi.

2 Samueli 1:2 ပူးပေါင်းရင်းမြစ်များ

Utandiko 22:4

Mu wanda uwalenga yatatu Abulaamu alola katalamukila cifulo cino yamulanzile.

Utandiko 37:29

Lino Lubeni waswilile ku cifula ku kulengula, azana Yosefu asimo, nga alepola vizwalo vyakwe, kulanga ulanda.

Utandiko 37:34

Lyene Yakobo alepula mwingila wakwe, azwala visamu mu musana ukulanga ulanda. Nga alosya umwana wakwe umonsi pa manda aingi.

Utandiko 43:28

Nayo yaasuka yati, “Tata, wino akakutumikila, acili umumi nupya acili akomile.” Nga yafukama pansi yafupime kunoli.

2 Samueli 1:3

Davidi amuuzya ati, “Uzye aukwi kuno wafuma?” Nawe amwaasuka ati, “Natimpuuka sile ku nsakwe zya ina Izlaeli.”

2 Samueli 13:19

Tamala fwandi pali pakuipaka itwi ku mutwe pa kuilangizya ulanda uno wali nawo. Alepola ni laya lino wazwite, apanga na makasa pa mutwe nga atandika nu kulila ala akupita.

2 Samueli 14:4

Umwanaci wilya waku Tekoa pali pakuya ku mwene, aya afukama afupime mucinzi mucinzi, nga avwanga ati, “Mwene, ule ungazwe!”

2 Samueli 15:32

Lino Davidi wafika apapela pa mulundu, pa yelile incende iya kupepela Leza, cuza wakwe mutailwe, uwi zina lyakwe Husyai umwina Aliki amukomenkanya. Ale ivyakuzwala vyakwe ivilepoke nga nu lukungu luli ku mutwe.

2 Samueli 24:20

Lino Alauna walolekesya ukwisika, alola umwene na aomvi yakwe yakutumbela kunoli. Alino Alauna apona pansi afupime inkolelo yakwe Davidi.

2 Samueli 4:10

nalemile umuntu wenga uwizile ku kunjikwila imfwa yakwe Saulo. Wene welenginye ukuti aizile ku kunena icintu icisuma. Lelo nemo namulemile nu kumukoma umu Zikilagi kwene. Cili cilambu cino namupiile apakwiza nena umulandu wa mfwa!

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

Esita 5:1

Pa wanda wakwe citatu uwa kuleka ukulya, Esita azwala umwingila wakwe unamwene. Lyene aya aimilila umukasi ka musolo wakwisano, ala wataikala, asumvile na manso uku mulyango. Umwene Aasuwelo amuno wali, ala atenzi apa cilimba ca wene, watalozya ni cinso lwaku mulyango.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Ezekelo 27:30

Yalasanzula izwi pa kulosya nu kupomola impooma ikalamba. Yene yalaiswela ulukungu ku mitwe nu kukunkula mwi twi.

Oseya 6:2

Umu manda yaili nanti yatatu wene alatupuputula, nga naswe tulaya nu umi pa manso yakwe.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Mateo 12:40

Pano wakwe vino Yona waizi munda ya ciswi amanda yatatu musanya nu usiku, avino nu Mwana wa Muntu alalala mu musili amanda yatatu musanya nu usiku.

Mateo 16:21

Kufuma pa nsita kwene ilya nu kutwalilila, Yesu atandika kunena alondezi yakwe paswe ati, “Indi nu kuya ku Yelusalemu, kuno ndapelwa mu makasa ya ikolo ya Ayuda, yasimapepo akalamba na yakasambilizya ya Masunde, yano alancuzya cuze. Yalankoma, lelo pa wanda uwalenga yatatu ndazyukuka nu kuya nu umi.”

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.

1 Samueli 20:41

Pacisila lino umulumendo wapita, Davidi nawe akatuka lwaku ufumondaka waku nsizi ya mutumba ulya uwa mawe nga afukama pansi amaila yatatu inkolelo yakwe Yonatani ala afupime. Alino yoili kwene iyatonsolana nu kulila aminsozi capamwi. Lelo Davidi walizile ukuluta umuze.

1 Samueli 25:23

Lino Abigelo walola Davidi, zuwazuwa aikila pali punda wakwe, nga apona pansi afupime

1 Samueli 4:12

Uwanda kwene ulya umuntu umwi uwamu mutundu wakwe Benjamini atandika ulwilo ukufuma ukwayelile ulwi nga aya afika ku Syilo. Umuntu wilya pakulanga ulanda uno yali nao, alepola ivyakuzwala vino wazwite nu kuisansa ulukungu ku mutwe.

1 Samueli 4:16

Alino umuntu wilya atandika ukunena Eli ati, “Ilelo kwene natinutuka nzila yonsi ukufuma ku ulwi nupya vikwene ili mifikile kuno.” Eli nawe amuuzya ati, “Kuli ci fwandi, we mwanane?”