2 Samueli 1:16 - Amazwi Yakwe Leza 2013

¹⁶ Davidi avwanga nu kuvwanga ati, “Umulomo wako uwakulya. Wewe wemwisikulu watuilandila pa kanwa kako ukuti wakomile umusololwe wakwe Yawe.”

2 Samueli 1:16 ပူးပေါင်းရင်းမြစ်များ

2 Samueli 1:10

Fwandi nani ntali mukanyi, avili vino namukomile, namumalila, pano naweni ukuti insita ili yonsi angapona afwe nu kufwa. Lyene pali pakumuzula ingala ku mutwe ni koza ukwi kasa lyakwe. Avili vino fwandi nakuletela, we musambazi wane.

2 Samueli 16:8

Wemo wapokolola uwene wakwe Saulo. Acino ndakai Yawe akukuvunuka pamulandu wa kukoma aingi amu luko lwakwe Saulo. Yawe watapeela uwene kuli Abusalomu umwana wako umonsi, nga nawe watuononeka, we nkomi we!”

1 Yamwene 2:37

Uwanda uno ulafuma nu kusalala mu Cifoloma ca Kiduloni, icumi kwene ulakomwa, nupya ulaya umulandu wako wemwisikulu.”

Yobo 15:6

Umulomo wako uli uno wakusinila, asi nene foo. Imilomo yako kwene, ali ino imakupeela umulandu.

Mapinda 6:2

Uzye wasinilwa na mazwi yapa kanwa kako kwene, uzye wapingulwa na mazwi yano waivwangile we mwisikulu?

Ezekelo 18:13

akaliila muli vino wazimisya nu kupoka tunsonse, umwana wiyo aakacita iviipe vii vyonsi vyawinyi atalaya nu umi, lelo alafwa nga nu wazi wakwe ulaya pa mutwe wakwe umweneco.

Ezekelo 33:5

Imfwa yakwe ilaya iyakuiletelela sile umwisikulu ku mufulo wakwe, pamulandu wakukana sakamala vino yamucewile. Pano ndi cakuti asumbako amano, angutuka.

Aina Levi 20:16

Mwanaci ndi wezya kuulungana ni nyama, umwanaci wiyo alinzile ukukomwa pamwi ni nyama kwene iyo. Mwanaci wiyo pamwi ni nyama ala yailya aisikulu.

Aina Levi 20:27

“Monsi nanti umwanaci wensi wavwanga ni mipasi ya antu afwe alinzile kutamwa na mawe mpaka afwe. Nupya umuntu wensi uwacita icintu cii ala waikoma umwisikulu.”

Aina Levi 20:9

“Yawe apeela malamulo yaa. Muntu wensi uwatipwila isi nanti nyina alinzile ukukomwa. Ala waikoma umwisikulu.

Mateo 27:25

Antu yonsi yavwanga yati, “Lekini mulandu wa mfwa yakwe wii uye panotuli na ana itu.”

Luka 19:22

Mwene wakwe amunena ati, ‘We muomvi mwipe! Namakupingula pa mazwi yako! Wamanya vino nene muntu mutale, nkatola cino ntika nupya nkazombola pano ntakomile.

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”

Milimo 20:26

Caleka namunena icumi nati mu wanda wilelo ndi cakuti wenga uwa munomuli walowa, ale asi pamulandu wane.

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Malango 19:10

Ali vino muce mwacita, pakuti antu asi nu mulandu yatakomwa, na pakuti lyene mutakwata umulandu uwa kukoma antu yao asi nu mulandu.

Yoswa 2:19

Ndi umwi cilamukumba waca wafumila panzi nu kupita mu misolo, lyene ndi wakomwa ale wailya umwisikulu. Nupya mutaca mutulilile awe. Lelo wensi aalazanwa mu ng'anda pamwi nawe ndi waca wazanzwa, lyene ale twailya sweisikulu!

Yakapingula 9:24

Ni cintu cii cacitike pakuti cisikane na cino Abimeleki wacisile, ica kukoma ana amakumi cinimbali yakwe Gidyoni, nga nupya cisikane na vino aikazi yaku Syekemu yamukomelezyanga.

1 Samueli 25:39

Lino Davidi uvwa ukuti Nabali watafwa, avwanga ati, “Lumbanyini Yawe, wiyo uwandwila kuli Nabali pa musausya uno wancitile. Ala Yawe umwisikulu uwandesizye ukucita iciipe nupya aliwe kwene uwalenga kuti uyi wakwe Nabali umwisikulu umulye.” Alino Davidi atuma intumi izyakuya mulanzizya kweneko Abigelo, pakuti angamusaka.

1 Samueli 26:9

Davidi nawe aasuka Abisyai ati, “Utezya ukumukoma! Uzye aweni angazanza umuntu wino Yawe wasolola ukwaula kuti avunukwe?