2 Samueli 1:11 - Amazwi Yakwe Leza 2013

¹¹ Lyene Davidi na antu yonsi yano wali nayo iyalepola insalu zyao apakulanga ulanda.

2 Samueli 1:11 ပူးပေါင်းရင်းမြစ်များ

Utandiko 37:29

Lino Lubeni waswilile ku cifula ku kulengula, azana Yosefu asimo, nga alepola vizwalo vyakwe, kulanga ulanda.

Utandiko 37:34

Lyene Yakobo alepula mwingila wakwe, azwala visamu mu musana ukulanga ulanda. Nga alosya umwana wakwe umonsi pa manda aingi.

Utandiko 44:13

Yasilenzi yakwe Benjamini yalepola vizwalo vyao, nga yaponelwa nu ulanda ukulu cuze. Yanyepa nupya visendo vyao pali yapunda yao, nga yaswilila ku musumba.

2 Samueli 13:19

Tamala fwandi pali pakuipaka itwi ku mutwe pa kuilangizya ulanda uno wali nawo. Alepola ni laya lino wazwite, apanga na makasa pa mutwe nga atandika nu kulila ala akupita.

2 Samueli 13:31

Avili vino umwene Davidi wakatwike, alepola insalu zyakwe ukulanga ulanda uno wakwata. Aifwanta na pansi. Aomvi yakwe nayo iyimilila pamwi na aliwe kwene ale yatiyalepola ni nsalu zyao.

2 Samueli 3:31

Davidi pali pakunena Yoabu na antu yakwe yonsi ukulepola ivyakuzwala vyao nu kuzwala amasaka pa kulosya Abineli. Alino pa ndosya kwene iyo, umwene Davidi umwisikulu walondelanga pacisila ca cala.

2 Yamwene 5:7

Lilyo kwene lino umwene waku Izlaeli wamala kuwelenga kalata wilya, alepola ivyakuzwala vyakwe nga avwanga ati, “Uzye umwene waku Asilya angapaalila uli ukuti nemo ningapozya umuntu wi? Uzye wene akwelenganya ukuti nene indi Leza, wino uwakwata amaka ya kupeela umi ni mfwa? Caloleka apaswe ukuti wene akasi sile kuti twalemanila.”

2 Milandu 34:27

pasi pano waicefizye, wazenzuka pa manso yane. Walepozile ni vyakuzwala vyako apakulanga ulanda. Wemo uvwile vino napingwile Yelusalemu na ikazi yamwenemo. Nemo fwandi natinuvwa ipepo lyako.

Ezila 9:3

Lino nuvwile vii, alino ndepola vyakuzwala vyane nu mwingila wane kwene pamulandu wa nsonyi. Lyene mpela ni nyele ku mutwe wane kumwi ni vilezu kwene nga nikala pansi ulanda ulanda.

Esita 4:1

Walanga Modekai uvwa ivyacitike, alepola ivyakuzwala vyakwe, azwala ni vyakuzwala vya ndosya nga aivumvunya umwi twi. Atandika ukutawanta umu musumba, nu kutulula impoma ya ulanda.

Yelemiya 36:24

Umwene pamwi na aomvi yakwe, nanti angala yuvwile amazwi yaa yonsi, lelo yatakweti intete foo. Yatalepwile ni nsalu zyao.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Milimo 14:14

Lino Banaba na Paulo yuvwa vino yakulonda kucita cii, yalepola malaya yao yasimula yaya mukasi ki umba, yalaizya yati,

Loma 12:15

Muzange pamwi na yao akuzanga, losyini pamwi na yao akulosya.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.