2 Petulo 3:11 - Amazwi Yakwe Leza 2013

¹¹ Vintu vii vilasunguluka mu musango kwene uu, uzye mwemo mulinzile kuya antu amusango cii? Umi winu ulinzile kuya wamuzilo nupya muipelesye ku kutumikila Leza,

2 Petulo 3:11 ပူးပေါင်းရင်းမြစ်များ

Masamu 37:14

Antu aipe yakasomola masumo yao, nu kukana malapwa yao kuti yakome alanda na apina, yayo akapita mu miyele isuma.

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Masamu 75:3

Nanti sile insi ikasunkane kumwi na onsi aikala mwenemo, anene kwene ndalemelela umufula wakweyo.

Ezaya 14:31

Pongomoka, we mpongolo! Laizini tutuulwe mwe misumba yamu Filisti! Ukwi kasa limani kulafuma icunsi, ca vita, musi nanti acantete mu vifulo vyao.

Ezaya 24:19

Insi yonsi imalangokanga, imalepoka nu kusyala sile mwanku, icenjemile.

Ezaya 34:4

Ilanzi, umwezi ni ntanda vyonsi kwene vilasunguluka. Iyulu lilavungana nu kongoloka wi pepala lino umuntu akupomba. Intanda zilapona wa mafwa yano yakulukuta uku mutingi nanti umusamvu.

Mateo 8:27

Na antu yazunguka yati, “Uzye wii umuntu wa musango cii, wino cipupu na maimbi vyamuyela?”

Loma 13:11

Mulinzile kucita cii, pano mwati mumanya vino kasita kati kafika kakuti muzyuke mu tulo. Pano uwanda lino tulatuulwa wati upalama kuluta lino twatandike kutaila.

Loma 13:12

Usiku uli pipi nu kusila, nu wanda uli pipi nu kuca. Caleka tute kucita milimo yamu mfinzi, tuzwale vya kulwila mu luswepo.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Filipi 3:20

Lelo sweswe ikazi ya mwiyulu nupya tukulolela Katuula witu Mwene Yesu Klistu.

1 Tesalonika 1:5

Pano lino twamuletile Ilandwe Lisuma, asi ku mazwi sile. Lelo nu ku maka nu kusininkizya kwa cumi caliko, kufuma kuli Mupasi Wamuzilo. Mwamanya vino twikalanga lino twali namwe. Cacitike pakuti tumwazwe.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

1 Timoti 6:3

Wino wensi akasambilizya usambilizyo uiyele uno utasuntinkine na mazwi acumi a Mwene witu Yesu Klistu nga nu usambilizyo uwamu mipepele itu,

1 Timoti 6:6

Endi, kupepa Leza kukalenga umuntu kuya mukama cikulu ndi wazumila ukuti vino akweti vyamulingana.

Ayebulai 13:5

Mwaikala umi uwa kuntatemwisya impiya, mwalola ukuti vino mukweti vyamukwana. Pano Leza wati, “Ntalatala imusye nanti kumutazyela.”

Yakobo 1:24

Wene umwisikulu akaiceceta ningo, apita, nga lilyo kwene ailila vino akaloleka.

Yakobo 3:13

Uzye munomuli mungaya umwi akweti mano nu kumanyikisya? Ndi amunoli lekini aisininkizye kupitila mu kwikala umi wakucita visuma mukufuka na mano.

1 Petulo 1:15

Lelo lekini vicitwa vinu vyonsi viye vyamuzilo ndi vino Leza uwamusolwile wene uwamuzilo.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

2 Petulo 1:3

Leza mu maka yakwe watupeela vyonsi vikalondekwa kuti mucumi twikale umi uwa kupepa. Cii cacitika apa kumanya kuno twamanya wiyo uwatwama kuti tukume ku lulumbi nga nu ku usuma wakwe.

2 Petulo 1:6

Ku kumanya kwinu ungilizyini kuikanya. Ku kuikanya kwinu ungilizyini kuposya. Ku kuposya kwinu ungilizyini kuipelesya ku umi wa kupepa Leza.

2 Petulo 3:10

Lelo uwanda wa kuwela kwa Mwene uliza wa mwivi. Pa wanda ulya mayulu yalalowa ni congo cikulu nga moto ulasungulula nu konona vyamu mayulu nu konona insi na vyonsi vyayamo.

2 Petulo 3:12

lino mucili lolela Wanda wa Mwene. Acino citini consi cino mungacita kuti wanda uwo wize zuwa. Lilyo alino mayulu yalononwa nu moto, nga ni vyaya mwenemo vilasunguluka nu moto.