2 Petulo 3:10 - Amazwi Yakwe Leza 2013

¹⁰ Lelo uwanda wa kuwela kwa Mwene uliza wa mwivi. Pa wanda ulya mayulu yalalowa ni congo cikulu nga moto ulasungulula nu konona vyamu mayulu nu konona insi na vyonsi vyayamo.

2 Petulo 3:10 ပူးပေါင်းရင်းမြစ်များ

Masamu 102:26

Vyonsi pyu vilononeka, lelo wemo ulayelelela pee. Vyonsi vilalola wa vyakuzwala. Wemo ulavizuula wa vizwalo, nu kulowa ala vyalowelela.

Masamu 46:6

Antu ya mitundu yuze, yene yakaizakazila sile, yamwene yamwenemo nayo kwene yakaizakazila sile. Leza nga wauza nu musili iwaimokokela sile.

Masamu 97:5

Imyamba ikasunguluka sile wi pula, apa manso yakwe Yawe, apa manso ya Mwene wa nsi yonsi.

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.

Ezaya 24:19

Insi yonsi imalangokanga, imalepoka nu kusyala sile mwanku, icenjemile.

Ezaya 34:4

Ilanzi, umwezi ni ntanda vyonsi kwene vilasunguluka. Iyulu lilavungana nu kongoloka wi pepala lino umuntu akupomba. Intanda zilapona wa mafwa yano yakulukuta uku mutingi nanti umusamvu.

Ezaya 51:6

Tumpulini amanso inu umwiyulu, mulolekesye na pansi. Amayulu yalaongoloka wa vyunsi, insi nayo ilasizya wa nsalu, na aikalansi yalafwa wa tuzizi. Lelo ufyusi wane ulaelelela pee, nga nu ulungami wane nao utalasila.

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Yowelo 3:14

Amaumba na maumba ya antu yali mu Cifoloma ca Upinguzi. Pano Uwanda wakwe Yawe watiupalama apipi mu Cifoloma ca Upinguzi.

Amosi 9:13

Yawe wavwanga wati, “Insita iliiza lino ingano zilakula ulwilo, ukuluta vino zingazombolwa zuwa. Amatingi nayo yalakula ulwilo, ukuluta vino waini angapangwa. Imyamba ilaatona waini umulyompe, numu tulundu mulakonkoloka waini.

Amosi 9:5

“Mwene, Yawe Wamaka yonsi, akakumya insi nga nayo itenta, nga yonsi aikala mwenemo iyalila. Insi yonsi ikatuka nu kupona wa luzi lwa Nailo.

Mika 1:4

Imyamba iyo ikusunguluka pano walyata ungati ipula mu moto, nga ni vyati visunguluka ivikonkolokela mu vifoloma, wa manzi akukonkolokela ku mikonko.

Naumi 1:5

Imyamba ikatenkana pa manso yakwe, nu tulundu nato tukasunguluka. Insi ikasunkana lino Yawe waloleka, kuli kuti insi yonsi kumwi na antu aikala mwenemo yazakaza.

Malaki 4:5

“Lelo lino uwanda uo ukulu uwakofya wakwe Yawe utali kuti ufike, ndamutumila kasema Eliya.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Mako 13:31

Iyulu ni nsi vitalikalilila manda pe, lelo mazwi yane yene yalikalilila manda pe.

Luka 12:39

Nupya manyini ukuti mwine ng'anda ndi amanyile insita ino aivi yakwiza, atangaleka yatame ing'anda yakwe.

Loma 8:20

Uumbo nanti wavulungana, lelo kusi ukulonda kwakweo kuti uvulungane. Leza wakasi kuti ciye vivyo mu

1 Kolinto 1:8

Leza alamusunga mu kukomeleka kufika nu kumpelelekezyo, pakuti mutakaye amulandu pa Wanda wa Mwene witu Yesu Klistu.

1 Kolinto 5:5

mulinzile kupeela muntu wiyo kuli Ciwa pakuti mwili wa muntu wiyo uce ucuziwe, nu mupasi wakwe ukatuulwe pa Wanda uno Mwene Yesu aliiza.

2 Kolinto 1:14

wakwe vino mwatuvwa sile mbali. Lyene lino Mwene Yesu alawela, mulaya ni cilumba pamulandu witu wakwe vino twaya ni cilumba pamulandu winu.

1 Tesalonika 5:2

Mweisikulu mwamanya ningo ukuti Wanda lino Mwene aliza ulaya kwati kwiza kwa mwivi usiku.

1 Tesalonika 5:4

Lelo mwe inane, mwemo musi mu mfinzi, nga wanda uwo utalinzile kumupumikizya wa mwivi.

2 Petulo 3:11

Vintu vii vilasunguluka mu musango kwene uu, uzye mwemo mulinzile kuya antu amusango cii? Umi winu ulinzile kuya wamuzilo nupya muipelesye ku kutumikila Leza,

2 Petulo 3:12

lino mucili lolela Wanda wa Mwene. Acino citini consi cino mungacita kuti wanda uwo wize zuwa. Lilyo alino mayulu yalononwa nu moto, nga ni vyaya mwenemo vilasunguluka nu moto.

2 Petulo 3:7

Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.

Umbwilo 16:15

“Uvwini! Nkwiza wa mwivi! Walongo awiyo wino akulola nu kucingilila vizwalo vyakwe pakuti atakapite tupu nu kuya ni nsonyi pa lwalala!”

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Umbwilo 21:1

Nupya ndola iyulu lipya ni nsi ipya. Iyulu lyankolelo ni nsi yankolelo vyati vipita, na yemba nawe atakuloleka.

Umbwilo 3:3

Acino iusya vintu vino wasambiliziwe na vino uvwile. Uwayela vintu vivyo nupya uzenzuke. Ndi utazyusile, ndiza panuli wa mwivi, nupya utalamanya insita ino ndizilapo.

Umbwilo 6:14

Ni yulu nalyo lifumiwa wa kukupikwa kwa lupapulo, nga ni myamba pamwi ni vilila vyonsi vyafumiwe pa vifulo vyaviko.