2 Petulo 2:19 - Amazwi Yakwe Leza 2013

¹⁹ Yene yakalaya untungwa ku antu onsi, lino aisikulu yali azya ya miyele ino ikaonona. Pano umuntu akaya umuzya wa cintu consi cino camucimvya.

2 Petulo 2:19 ပူးပေါင်းရင်းမြစ်များ

Ezaya 28:1

Kalanda ku ng'anda ya cilumba ya akolesi, aina Efulemu nu kwi luwa lyalokota. Ucindami wakwe uyembe, uno watongomala pa mutwe wa nyika ivunde, ya akolesi yakwe waini, auwo ulambalile papo.

Yelemiya 23:9

Apamulandu na yakasema, umwenzo wane wati ulepuka umukasi, na mafupa yane yakuzakaza yonsi. Apamulandu sile wa Mwene, na mazwi yakwe acindamisye, nemo indi wa muntu uwatakoleka, wino waini watatonsya.

Aina Levi 13:8

Simapepo alinzile kumuceceta nupya. Ndi cakuti simapepo wazana ukuti cilonda cico caticiomboka, alinzile kumunena ukuti wene uwamifitalila. Indwala ii iyakwe tembwe.”

Yoane 8:34

Yesu ayanena ati, “Cumi, namunena vino wensi akaifya wene umuzya wa maifyo.

Milimo 19:16

Lyene umuntu uwali nu mupasi wankota ayazanza na maka ayacimvya onsi. Lyene yonsi kwene yutuka yafuma mu ng'anda yakwe ni nsalu zilepoke, ala iyacisika.

Galatiya 5:1

Untungwa auno tukweti pano Klistu watukulula. Lyene ndakai twikale antungwa nupya tutakaye azya ya Masunde.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

2 Timoti 2:26

Alino lyene yalaelenganya ningo nga yalatuulwa ku citeyo cakwe Ciwa, wino uwayalema nu kuleka kuti yayela kulonda kwakwe.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

1 Petulo 2:16

Mwaikala wa antu antungwa, nupya mutaomvya untungwa winu pa kuipeela insambu kuti mwaifya. Lelo mwaikala wa yaomvi yakwe Leza.

2 Petulo 1:4

Mu musango uu, wene watupeela upolelelo ukulu cuze uwamutengo ukome, uno walavile. Wene wacisile cii pakuti mutuulwe ku mbunu zyamu nsi zino zikaonona, nga lyene mukumeko ku mwata wakwe Leza.

2 Petulo 2:20

Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.