2 Petulo 2:18 - Amazwi Yakwe Leza 2013

¹⁸ Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

2 Petulo 2:18 ပူးပေါင်းရင်းမြစ်များ

1 Yamwene 13:19

Awe mukwai kasema wakwe Leza aswilila mwenemo pamwi nawe ku ng'anda yakwe, aya alya icakulya nu kumwa amanzi kweneko.

Ezekelo 35:13

Nemo nkauvwa amazwi yonsi acilumba, yano ukavwanga civwangevwange pali nene. Ala nemo nkauvwa sile vyonsi.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Milimo 2:40

Petulo ayasoka mu mazwi nayauze aingi nga nu kupapata ati, “Ituulini mweisikulu ku uvunuko uli nu kwiza pa antu aipe amu mukulo uu ukowele!”

Milimo 8:9

Mu musumba ulya mwikalanga umuntu izina lyakwe a Simoni, wino pa nsita imwi wazungulanga aina Samaliya ku malele yakwe. Wene waitakanga kuya mukulu cuze.

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Yakobo 5:5

Umi winu muno nsi uwa kuipakizya mu vintu vyamutengo. Lelo ndakai mukoline wa ng'ombe ziine zino zikusendwa ku kukomwa.

2 Petulo 1:4

Mu musango uu, wene watupeela upolelelo ukulu cuze uwamutengo ukome, uno walavile. Wene wacisile cii pakuti mutuulwe ku mbunu zyamu nsi zino zikaonona, nga lyene mukumeko ku mwata wakwe Leza.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

2 Petulo 2:2

Vivyo kwene antu aingi yalalondela misango iya ulenzyo. Acino pamulandu wa vintu vino yakacita, yauze yalavwangila ilandwe lisuma viipe.

2 Petulo 2:20

Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.

2 Petulo 2:7

Wene watuuzile Loti, umuntu uwacitanga vyawololoke, wino wanyungulukanga pa vya winyi vino antu yankota yacitanga.

2 Petulo 3:17

Lelo mwemo yacuza, mumanyile cii mpiti. Cenjelini, kuti kuluvyanya kwakwe yakaifya kutamutungulula kuti mupone mu utailo.

Yuda 1:13

Yakolana na maimbi yamaka apali yemba, ni vicitwa vyao vyansonyi vikaloleka wa kufuluma kwi tomvu. Yakolana ni ntanda zikazeuluka. Antu yaa, Leza wayateyanyizizya icifulo ca mfinzi ikomesye iyape.

Umbwilo 13:11

Alino ndola cilyanyi nacuze, cikufuma mu musili. Cene cakweti mpembe ziili wa mwana wa mfwele, nga ala cikuvwanga wa cizoka.