2 Petulo 2:17 - Amazwi Yakwe Leza 2013

¹⁷ Antu yaa yakoline wa tufukoka twaula manzi, nanti wa makumbi akaululwa ni cipupu. Leza wayasungila ncende mu mfinzi ikulu cuze.

2 Petulo 2:17 ပူးပေါင်းရင်းမြစ်များ

Yelemiya 14:3

Akama yakutuma aomvi yao ku kuyatapila amanzi, nayo akula yaya ku vifula, yazana mu vifula musi amanzi. Lyene nayo ali pakuweluluka kweneko ni nsembo umwaula amanzi. Cintu cii iciyatovola nu kuyavulunganya, cakuti yavimba insalu apa manso.

Oseya 6:4

Lelo Yawe akuti, “Mwe aluko lwakwe Efulemu, uzye icani cino namamucitila? Namwe mwe aluko lwakwe Yuda, uzye icani cino namamucitila? Ukutemwa kwinu kuli wakwe kungwi, wino akasalangana umu katondo, kukoline nu lumi ulukakuntika katondotondo.

Mateo 22:13

Alino mwene anena aomvi yano alipo ati, ‘Munyepini makasa nga ni ngazo alino mumusumbile kunzi mu mfinzi, muno alalila nu kulumanya ncecete.’ ”

Mateo 25:30

Mwene atwalilila kuvwanga ati, ‘Sumbini muomvi wii mukasu kunzi mu mfinzi muno kulaya kulila nu kulumanya ncecete.’

Mateo 8:12

Lelo antu yano yange yaye mu wene yene yalasumbwa kunzi mu mfinzi, mumo muno yalalila nu kulumanya ncecete pamulandu wa kuwaika.”

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

Ayebulai 12:18

Ku mwamba wa Sinai, uno uwakanga moto nupya uno mungakumya, akuno aina Izlaeli izile. Lelo mwemo mutiza kweneko, ukuli mfinzi, kufitulukila ni cipupu,

2 Petulo 2:4

Leza atapanyizye angeli yano aiifizye. Lelo wayanyepa nu kuyasumbila mu Gehena mu ciwina ca mfinzi, anyepwe yakalolela upinguzi.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.