2 Petulo 2:14 - Amazwi Yakwe Leza 2013

¹⁴ Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

2 Petulo 2:14 ပူးပေါင်းရင်းမြစ်များ

Yobo 31:7

Ingazo zyane ndi cakuti zyatazile izipumba inzila, na manso yane ndi yatazile iyatwala umwenzo wane ku kuluvyanya, nanti iminwe yane ndi cakuti yatazile ikowela ku vyakulemalema.

Yobo 31:9

Ndi cakuti natala nakumbwa umuci wa muntu umwi, nanti sile ukuya umu kulyembelela apa mulyango wa mwinipamba,

Mapinda 5:6

Wene asilondela inzila ya umi nanti panono foo. Inzila zyakwe izyaku ononesi ni lovyo, lelo umweneco atacimanya cico awe.

Mapinda 6:25

Utakumbwa ukuyemba kwakwe, utaleka akuleme pakukuzyongwela manso.

Ezaya 1:16

Fulalini muikondole. Fumini iviipe inkolelo yane. Tiini ukucita iviipe.

Ezaya 34:5

Yawe akuti, “Natinteyanya ulupanga lwane umwiyulu. Nalo pasi pakukalipa. Lwasya luzanze impanga yaku Edomu. Lumazanza antu yano napingula ukuloviwa.”

Ezaya 65:20

Mutalaya utunya tuno tulafwa lino tucili utunono, yonsi yalafwa ukuluta na pa myaka yakufwilapo, kumwi na ikolo kwene. Pano wino alafwa ni myaka umwanda, ala wafwa acili umwance. Nu kukanafika pa myaka umwanda, cilaya icilangililo ca lutipu.

Yelemiya 13:23

Uzye umwina Kusyi angasenula inkanda yakwe? Nanti uzye inangu ingasenula amaala yakweyo? Ndi cingaya vivyo ale lyene namwe kwene mwemuno mwikalila ukucita vya winyi mungata ukucita iviipe mutandike nu kucita visuma.

Ezekelo 13:18

Yanene ndi vino Yawe Simwandalali wavwanga wati, ‘Yasyama yamangu yano yasumilila incilizi apa mpingu zya makasa yao monsi, yano yakasumila na antu ya musinku uli onsi ivitambala vyaku mitwe, apakwika imyenzo yao umu citeyo. Ala mukalema imyenzo ya antu yane, lelo mukapanya umwenzo winu mwe yeneco.

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.

Mateo 23:14

Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukaliila yamukamfwilwa vyuma mu ucenjezi nu kuyasomba pa kuyapepela mapepo atali. Caleka mwemo kuvunukwa kwinu kulaya kukulu cuze.]

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 5:28

Lelo nemo namunena nati wino wensi uwalolekesya umwanaci nu kumukumbwa, wene ala walongozya nawe mu mwenzo.

Mako 13:22

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo ni vizungusyo kuti yaponzye na asololwe kwene ndi cingaya.

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

1 Kolinto 11:19

Tutangazunguka ukuti kupaatukana kulinzile kuye munomuli pakuti yao akucita vya wololoke yangaloleka paswe.

Efeso 2:3

Mu cumi naswe kwene avino twali lino twatungululwanga ni vilondwa vya civyalilwa citu, ala tukucita vintu vino mili na melenganyo itu yalondanga. Swemo twasosya Leza nupya twali nu kuvunukwa.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

2 Petulo 3:16

Vii avino akulanda mu makalata yakwe yonsi lino walemba pa vintu vii. Mu makalata yakwe mwaya vintu vimwi vitale kuvwa vino antu atutu nupya atatekela yakapililika. Vikwene avino yakapililika ni vyamu malembelo yauze.

1 Yoane 2:16

Pano vintu vyonsi vyamu nsi, kutandika pa vilondwa viipe vino mili ikalonda, ni vintu vya lunkumbwa lwa manso nu kuitumika ku vyamu nsi, vyonsi vii visyafuma kuli Tata, lelo ku wikalo uwipe uwamu nsi.

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.