2 Petulo 2:10 - Amazwi Yakwe Leza 2013

¹⁰ Mwene alacita cii maka maka kuli yao akalondela imbunu zyao izya winyi, yao akasula maka yakwe. Yakasambilizya yaa aufi, apame nupya acilumba. Yene yasyacindika yao alulumbi mwiyulu. Lelo yakayatuka.

2 Petulo 2:10 ပူးပေါင်းရင်းမြစ်များ

Utandiko 49:6

Nemo ntangalemana nayo mu kulanzyanya kwao kwa mu nkama. Nupya ntangatola imbali nanti imwi mu maukongano yao. Pamulandu wakuti yakomile antu mu ukali, nupya yalemalike yamasaye ku mufulo sile.

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

1 Yamwene 12:16

Lino antu yalola ukuti umwene Leoboamu wakana ukuti ayuvwe, nayo ali pakupunda yati, “Davidi na ang'anda yakwe kayaliyali. Uzye icani fwandi cino yatucitila? Mwe ina Izlaeli mwe sikatukini twapita kumwitu! Ata see! Mutini Leoboamu alali! Lyene we mwana wakwe Yese, nawe uilolele wemwisikulu pa akazi kako.” Acino aina Izlaeli iyakatuka nu kupita ku mang'anda yao.

Masamu 12:4

Aputole yayo akavwanga yati, “Amaka itu yaya umu lulimi lwitu, utunwa twitu tulatutaasya. Uzye aweni angatutonsya?”

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

Kasambilizya 10:20

Utalengulula kateeka, nanti umu mwenzo wako kwene. Nupya utalengulula umukama, nanti umu muputule kwene wa musanzi wako. Pano limwi akunyi nanti akazizi akakapapuka kangasenda amazwi yayo nu kuyanena antu yayo vino walukutaka.

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Mpendwa 15:30

Lelo wino wensi uwala waluvyanya ku mufulo, ciye mukaya nanti umwenyi, wene ale wasuula Yawe. Umuntu wiyo alinzile kusukulwa mu antu yakwe.

Luka 11:25

Lino waswilila, iuzana ing'anda ipyele ningo na vyonsi iviseziwa.

Luka 19:14

Lelo, aikazi ya mpanga ino walimo yamupasile. Caleka yatuma inkombe pacisila cakwe kuti zikalande ziti, ‘Tusikulonda umuntu wii, kuti aye mwene witu.’

Milimo 23:5

Paulo aasuka ati, “Mwe inane, ntali manyile ukuti a Simapepo Mukulu. Amalembelo yati, ‘Utakavwange iviipe kuli kateeka wa antu yako.’”

Loma 8:1

Ndakai pasi kuvunukwa kuli yano ailundanya kuli Klistu Yesu.

1 Kolinto 6:9

Cumi mwamanya ukuti yakaifya yatalakumako ku Wene wakwe Leza. Mutaitumpoka! Antu akacita ulenzyo, nanti akapepa tuluwi, nanti akacita ivya winyi,

2 Kolinto 10:3

Swemo tukaikala muno nsi, lelo tusyacita ndi vino antu amuno nsi yakacita

Efeso 4:19

Yene yasyauvwa insonyi. Yene yaipela mu kucita vya ukakasi nga ni vintu vyonsi vya winyi kwaula kuikanya.

Efeso 5:5

Pano mulinzile kusininkizya ukuti antu akacita vii yatalaya amu Wene wakwe Klistu na Leza.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

1 Tesalonika 4:7

Leza atatwama kuti twacita vya winyi, lelo watwama kuti tuye amuzilo.

2 Timoti 3:2

Antu yalaitemwa, atemwisya impiya, yalaitumika, a cilumba, akanyati, yatalayela akwasi yao, yatalataizya, nupya yatalalonda vyauleza.

Tito 1:7

Wikolo wino akatungulula iuvi wene akaangalila mulimo wakwe Leza. Caleka wene atalinzile kuya uwa mpwelo mbi. Wene atalinzile kuya akaitumika nanti musepukilwe, nanti mukolesi nanti uwalwete nanti uwalwiswa lwa mpiya.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

2 Petulo 3:3

Cankolelo, mulinzile kumanya ukuti mu manda yaa akusyalikizya antu yamwi yalaloleka yano umi wao ukatungululwa ni nsuna zyao. Yene yalamusoweka

Yuda 1:10

Lelo antu yaa, yakapontela cintu consi cino yatiiluka. Ndi vino inyama zya mpanga zyaya, vintu vino yamanya mu civyalilwa vyaya ivintu vilayonona.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.

Yuda 1:18

Yalanzile kunomuli yati, “Lino manda ya mpela yaliza, kulaya antu akalondela ivilondwa vyao visi vya upefi, alamuseka.”

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

1 Samueli 10:27

Lelo intalanganyi zimwi zivwanga iziti, “Uzye umuntu kwene wii angatutuula uli?” Yene yasuuzile Saulo nupya yatamuletile nanti uwila umwi. Lelo wene wasuuzile sile.