2 Petulo 1:3 - Amazwi Yakwe Leza 2013

³ Leza mu maka yakwe watupeela vyonsi vikalondekwa kuti mucumi twikale umi uwa kupepa. Cii cacitika apa kumanya kuno twamanya wiyo uwatwama kuti tukume ku lulumbi nga nu ku usuma wakwe.

2 Petulo 1:3 ပူးပေါင်းရင်းမြစ်များ

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Mapinda 12:4

Umwanaci musuma, wikala wa cilongwe ciyembe, kuli iya, lelo umwanaci akauvwisya iya insonyi, wene waya wa cilonda ca ufila kuli iya.

Mapinda 31:10

Aweni wiyo angazana umuci umufyeleke? Ala wene wacindama ukuluta ukasi uwamutengo.

Mapinda 31:29

“Anaci aingi nayo kwene yakacita ivisuma, lelo wemo wayaluta yonsi pyu.”

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

Loma 9:24

a sweswe kwene swe muno Leza waama, asi kufuma sile mu Ayuda, lelo nu mu Akulukuwa kwene.

1 Kolinto 1:9

Leza uwakutailwa, nupya aliwe wamwamile kuti muye mu utandano nu Mwana wakwe Yesu Klistu, Mwene witu.

2 Kolinto 12:9

Lelo wene waswike ati, “Cikuku cane sile icikulondekwa kunuli. Pano maka yane yakaombesya lilyo lino watonta.” Acino Klistu ndi watwalilila kumpela maka yakwe, lyene nakulaitumika pa utonte wane.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Efeso 4:4

Kwaya mwili onga nu Mupasi onga ndi vino kwaya upaalilo onga uno Leza wamwamileko.

Filipi 3:8

Kusi cintu cingaya nu muzano kuluta kumanya Klistu Yesu Mwene wane. Pamulandu wakwe Klistu nemo nasumba vyonsi kuya wa vikona, kuti muzano wane uye a Klistu

Filipi 4:8

Mukumalila, inane lekini myenzo inu izulemo kwelengenya vintu visuma vilinzile kutasiwa, ivya cumi, ivya mpomvu, visanguluke, viyembe, nga ni vyakucindikwa.

Kolose 1:16

Pano muli aliwe Leza waumvile vintu vyonsi ivya mwiyulu na pano pa nsi, ivikaloleka ni visiloleka, kwika pamwi na maka yonsi, aene, yakateeka ni ntunguluzi zyonsi. Leza waumvile uumbo onsi muli aliwe nupya vyonsi vyaumvilwe kuti viye vyakwakwe.

1 Tesalonika 2:12

Swemo twamukomelizye, twamutekizye myenzo nu kutwalilila kumupapata kwikala umi uno ukazanzya Leza, wino uwa mwama kuti mukumeko ku Wene nga nu lulumbi lwakwe.

1 Tesalonika 4:7

Leza atatwama kuti twacita vya winyi, lelo watwama kuti tuye amuzilo.

2 Tesalonika 2:14

Leza waomvizye kukosola kwitu kwi Landwe Lisuma kuti kuye ulwamo kunomuli ulwa kukumako ku lulumbi lwa Mwene witu Yesu Klistu.

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

2 Timoti 1:9

Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

1 Petulo 1:15

Lelo lekini vicitwa vinu vyonsi viye vyamuzilo ndi vino Leza uwamusolwile wene uwamuzilo.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

1 Petulo 2:21

Leza uwamusolwile kuti mupite mu macuzi lino mukulondela mu ntampulo zyakwe Klistu. Wene wamupeela cilangililo ca kucula kwakwe pamulandu winu.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

2 Petulo 1:10

Caleka, inane ezyini na maka kucita consi icingalanga ukuti Leza wamwama nupya wamusolola. Ndi mwatwalilila kucita cii, ale lyene mutalatala mupone mu utailo winu.

2 Petulo 1:2

Leza aye ni cikuku kunomuli, nupya amupeele mutende cuze kupitila mukumanya Leza na Yesu Mwene witu.

2 Petulo 1:5

Pamulandu kwene uu, ezyini kucita consi na maka inu kuti mungilizye usuma ku utailo. Ku usuma winu ungilizyini kumanya.

2 Petulo 1:6

Ku kumanya kwinu ungilizyini kuikanya. Ku kuikanya kwinu ungilizyini kuposya. Ku kuposya kwinu ungilizyini kuipelesya ku umi wa kupepa Leza.

2 Petulo 1:8

Vii vili vintu vino mulinzile kukwata. Ndi mwavulilwa vintu vii, vyene vilamulenga kuti mwaombesya na maka pa kumanya Mwene witu Yesu Klistu.

2 Petulo 2:20

Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

Luti 3:11

Lyene ndakai, mwanane, utalinzile ukuvwa intete. Namakucitila vyonsi vino umanguzya, pamulandu wakuti antu yonsi amu musumba yatiyasininkizya nu kumanya ukuti wewe mwanaci umwi uwampomvu.