2 Petulo 1:21 - Amazwi Yakwe Leza 2013

²¹ Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.

2 Petulo 1:21 ပူးပေါင်းရင်းမြစ်များ

2 Samueli 23:2

Umupasi wakwe Yawe wavwangila munondi, nu lulimi lwane ilulanda amazwi yakwe.

1 Yamwene 13:1

Api lamulo lyakwe Yawe kasema wakwe Leza ukufuma ku mpanga ya Yuda aya ku Betele, nga afika kweneko ala Leoboamu aimi pipi lwapa kavuwa kuti apeele impolelwa.

1 Yamwene 17:18

Mangu wilya anena Eliya ati, “Uzye icani cii cino wancitila vii, we kasema wakwe Leza? Uzye wiza kuno ku kwiusya Leza pa maifyo yane kuti aleke umwana wane afwe?”

1 Yamwene 17:24

Lyene mangu wilya anena Eliya ati, “Icumi lyene alino namanya ukuti wewe muntu wakwe Leza, nu kuti Yawe akavwangila munuli.”

2 Yamwene 4:22

Umwanaci wilya ali pakupunda iya, nga amunena ati, “Napapata, tuma zuwa umuomvi wenga aize na punda kuno. Nkasi kuya kuli Elisya kasema. Namaya nkawele zuwa.”

2 Yamwene 4:7

Mukamfwilwa wiyo ali pakuswilila kuli kasema Elisya. Elisya nawe amunena ati, “Pitanga yanga ukakazye amafuta yayo, alino ulipile inkongole zyonsi pyu. Lyene wewe na ana yako aonsi mungaomvya impiya izyasyala.”

2 Yamwene 4:9

Alino umwanaci wiyo anena iya ati, “Manyile vino umuntu wino akaiza kuno lililili akasema wamuzilo.

2 Yamwene 6:10

Acino umwene waku Izlaeli nawe acelula antu yakwe aikalanga mu ncende ilya, nga nayo yacenjela. Icintu cii cacitikanga amaila avule.

2 Yamwene 6:15

Katondotondo lino muomvi wakwe Elisya wazyuka, cino wafumila sile apanzi, alola kuno ivita vya ina Asilya vyativizinguluka umusumba, ala vili ni mfwalasi nga na maceleta yao. Alino umuomvi wilya aswilila kuli Elisya nga amunena ati, “Awe lyene catala musambazi! Uzye lyene tumacita uli?”

1 Milandu 23:14

Lelo ana aonsi yakwe Mose, umuntu wakwe Leza yapendilwe kumwi na amu mutundu wakwe Levi.

2 Milandu 8:14

Solomoni wawakanga sana ivyacitanga isi Davidi. Fwandi nawe wankinye impuka zyakwe yasimapepo umwakuombela incito zyao amanda yonsi. Wankinye na ina Levi aazwilizyanga yasimapepo umu kwimba inyimbo nu kuomba imilimo yuze.

Yelemiya 23:26

Uzye kwene ufi wamusango uu ulatwalilila ukufika lilaci, umu myenzo yakwe yakasema yano yakasema vyaufi, yayo akasema vyausomvi vyamu myenzo yao aeneco?

Ezekelo 1:3

izwi lyakwe Yawe lyafikile Ezekelo, umwana wakwe Buzi, mu mpanga ya ina Babiloni, pa nkumba ya Luzi Kebali. Kuku kwene ali kuno nuvwile amaka yakwe Yawe yiza kunondi.

Mika 1:1

Mu manda ya kuteeka kwa mwene Yotamu, na kwakwe Aazi nga na kwakwe Hezekiya, ali yamwene aku Yuda, Yawe anena Mika waku Molesyeti amazwi. Nga ivintu vii vili vino wene waweni mu cilolwa ivikumile Samaliya na Yelusalemu.

Mika 3:7

Yakasema yalaya ni nsonyi pakuposiwa kwao, nga yakasapoola yalazewana, pamulandu wakuti Leza atalayaasuka.

Mpendwa 16:28

Alino Mose anena antu ati, “Vii, avili vino mumamanya ukuti Yawe watantuma kuti ncite vintu vii vyonsi nu kuti asi kukulonda kwane kuno nacita vintu vii.

Mako 12:36

Mupasi Wamuzilo walenzile kuti Davidi avwange ati, ‘Mwene wanenyile Mwene wane ati, Ikala kwi kasa lilunji lyane kufika lino ndakucimvizya anisi yako.’

Luka 1:70

Ku mpiti wavwanzile kupitila muli yakasema yakwe amuzilo.

Milimo 1:16

“Inane, usemo uwaya mu malembelo, uno Davidi wasowile mu maka yakwe Mupasi Wamuzilo pamulandu na Yuda, wino watungulwile akwiza lema Yesu, wene wafikiliziwe.

Milimo 28:25

Caleka yapita, ukwaula kuti yazumilizyanye aisikulu, pacisila lino Paulo wavwanga mazwi yaa ati, “Endi! Mupasi Wamuzilo wavwanzile ningo ukupitila muli kasema Ezaya ku vikolwe vinu!

Milimo 3:18

Ku mpiti Leza wavwanzile kupitila muli yakasema yonsi ukuti Klistu wino wasolwile alacuziwa, nga cati cifikiliziwa mu musango kwene uu.

Malango 33:1

Kuu, kuli kupolelela kuno Mose, umuntu wakwe Leza wapolelile aina Izlaeli lino atacili afwe.

Ayebulai 10:15

Mupasi Wamuzilo nawe kwene watupeela umboni wakwe. Nkolelo wene akuti,

Ayebulai 3:7

Caleka, ndi vino Mupasi Wamuzilo akuti, “Ilelo ndi muvwa izwi lyakwe Leza,

Ayebulai 9:8

Mu utantiko uu onsi amuno Mupasi Wamuzilo akusambilizya paswe ukuti inzila ya kwingila mu Ncende Yamuzilo Kuluta itange iyeko lino muputule wakwe conga uciimi.

Yoswa 14:6

Lyene antu amu mutundu wakwe Yuda yiiza kuli Yoswa ku Giligali, nga Kalebu umwana wakwe Yefune umwina Kenizi amunena ati, “Umanyile cino Yawe wanenyile Mose umuntu wakwe Leza ku Kadesyi Banea ica pali wewe nani.

1 Petulo 1:11

Yalondelizye kuti yamanye nsita nga nu musango uno cii cilacitikilamo. Mupasi wakwe Klistu, uno wali munoyali, uwasowile macuzi yano Klistu wali nu kucula nga nu lulumbi ululalondelela.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.