2 Petulo 1:11 - Amazwi Yakwe Leza 2013

¹¹ Mu musango kwene uu, wene alamuyulila mulyango wakwingila mu Wene wa manda pe, uwa Mwene na Katuula witu Yesu Klistu.

2 Petulo 1:11 ပူးပေါင်းရင်းမြစ်များ

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Masamu 36:8

Yene yakalya ivyakulya mpe, umu ng'anda umwako, iyikuta. Ukayamwesya nu mukaluzi ka nsansa zyako.

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Ezaya 35:2

Ulwanga lulimbila inyimbo nu kutololoka ni nsansa. Impanga iyali iyononeke ilayemba wa mwamba waku Lebanoni. Ilaya nu muvundo wa vyalo vyaku Kalimeli nu ku Syaloni. Antu yonsi yalalola ululumbi lwakwe Yawe, ukucindama kwakwe Leza. Yene yalalola ukulu na maka yakwe vino vyaya.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Danieli 7:27

Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Yoane 10:10

Mwivi akaizila sile kwiya, kukoma, nu konona. Nemo nizile kuti muye nu umi, umusi ukuulilwa.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

1 Kolinto 15:24

Alino mpelelekezyo iliiza nga Klistu ale watacimvya mawene yonsi, mauteko yonsi na maka yonsi, nga pacisila apeele Uwene kuli Leza Tata.

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

Efeso 3:20

Ndakai lulumbi luye kuli Leza, wino ali na maka akucita munotuli vintu vilusile vino tungalenga nanti vino tungelenganya.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Ayebulai 6:17

Nakuli yao ali nukupokelela vino Leza walavile, umwisikulu walondanga kulanga paswe ukuti atalatala asenule pange lyakwe. Caleka waomvizye mulapo pa kulaya.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

2 Petulo 1:5

Pamulandu kwene uu, ezyini kucita consi na maka inu kuti mungilizye usuma ku utailo. Ku usuma winu ungilizyini kumanya.

2 Petulo 2:20

Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Umbwilo 5:10

Wemo wayacita kuya yakateeka na yasimapepo akatumikila Leza witu, yene yalateeka pano nsi.”