2 Milandu 7:9 - Amazwi Yakwe Leza 2013

⁹ Apa wanda uwalenga cinani iyapepa ipepo ilya kupapata apa maifyo yao. Pasi pano apa manda cinimbali antu yayo yapaatwile kavuwa nga mu manda cinimbali nayauze iyazevya cimulo cico.

2 Milandu 7:9 ပူးပေါင်းရင်းမြစ်များ

1 Yamwene 8:2

Alino aina Izlaeli yonsi iyakongana kuli Solomoni apa nsita ya kuzevya Cimulo ca Nsakwe mu mwezi wa Etanimu, umwezi walenga cinimbali.

1 Yamwene 8:65

Kuku kwene, uku Ng'anda ikulu yakwe Yawe, ali kuno Solomoni na antu yonsi aina Izlaeli aizile ukufuma ku mupunda waku Lebo Hamati ukuyafika nu ku luzi lwa Eguputo, yazevizye Cimulo ca Nsakwe pa manso yakwe Yawe apa manda cinimbali.

2 Milandu 30:23

aina Izlaeli yonsi yazumilizyanyizye ukuti cazipa kuti nupya kwene yazevye icintu cico apa manda cinimbali. Fwandi kwali ukuzevya ni nsansa wakwe cimwi.

2 Milandu 7:10

Alino apa wanda uwalenga amakumi yaili na yatatu umu mwezi wakwe cinimbali, Solomoni aleka ukuti antu yaswilile kumwao. Nayo apakuswilila ale yatiyazanga nu kuzanga wakwe cimwi umu myenzo yao apamulandu nu usuma onsi uno Yawe wacitile Davidi, Solomoni nu mutundu wakwe uwa ina Izlaeli.

Neemiya 8:18

Cila wanda ukutandikila apa wanda uno yatandikile ukongano wa nsakwe, ukufika napa wanda uwakusyalikizya, Ezila wawelengelanga antu amazwi amu lupapulo lwa Masunde yakwe Leza. Yacindike icintu cii, apa manda cinimbali. Umu wanda wakwe cinani ali muno yacisile ukongano ukalamba uwamuzilo, ndi vino calembwa mu Mpapulo zyakwe Mose.

Kufuma 29:37

Pa manda cinimbali uwapeelela kavuwa impolelwa. Lyene kavuwa kalaya kamuzilo ukuluta, nga na consi cino cilakumya kavuwa kako naco cilononwa nu muzilo wakako.

Yowelo 1:14

Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Aina Levi 23:36

Pa manda cinimbali, cila wanda mulinzile ukupeela amawila akocela Yawe. Nupya pa wanda uwalenga cinani mulinzile kukongana pamwi ku mapepo nu ku kupeela amawila akocela Yawe. Uu, uwanda wa mapepo nupya mutalinzile ukuomba umulimo nanti umwi.

Mpendwa 7:10

Alino intunguluzi zyalesile ni vyamawila pa wanda uno yazevyanga kupaatwilwa kwa kavuwa nu kukapaka amafuta. Lino zyaiteyanya ukutwala amawila pa nkolelo ya kavuwa,

Malango 16:8

Pa manda mutanda muce mwalya imikate isi na citutumusi. Lelo pa wanda uwalenga cinimbali, muce mwakongana pamwi nu kucindika ca pamwi Yawe Leza winu, nupya kusi ukuomba umulimo pa wanda uwo.