2 Milandu 7:8 - Amazwi Yakwe Leza 2013

⁸ Alino lyene Solomoni pamwi na ina Izlaeli yonsi yazevya uwanda ukulu uwa nsakwe apa manda cinimbali pamwi na antu nyanya ukufuma uku wingililo wa Lebo Hamati ukufika uku luzi lwaku mupaka waku Eguputo.

2 Milandu 7:8 ပူးပေါင်းရင်းမြစ်များ

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

1 Yamwene 8:2

Alino aina Izlaeli yonsi iyakongana kuli Solomoni apa nsita ya kuzevya Cimulo ca Nsakwe mu mwezi wa Etanimu, umwezi walenga cinimbali.

1 Yamwene 8:65

Kuku kwene, uku Ng'anda ikulu yakwe Yawe, ali kuno Solomoni na antu yonsi aina Izlaeli aizile ukufuma ku mupunda waku Lebo Hamati ukuyafika nu ku luzi lwa Eguputo, yazevizye Cimulo ca Nsakwe pa manso yakwe Yawe apa manda cinimbali.

2 Milandu 30:13

Fwandi antu nyanya umwi ali pakukongana uku Yelusalemu uku kuzevya Cimulo ca Ucilo ca Mukate usi na Citutumusi. Cali umu mwezi wakwe ciili.

2 Milandu 30:26

Mu musumba wa Yelusalemu mwali uluzango wakwe cimwi, pasi pano ukufuma mu manda yakwe Solomoni umwana umonsi wakwe Davidi umwene waku Izlaeli kutatazile kucitike icintu nanti cimwi wakwe cii umu Yelusalemu.

2 Milandu 5:3

Lilyo lino yakongine, cali apa nsita ya manda makulu a nsakwe, umu mwezi wakwe cinimbali, umwipukutu.

Ezekelo 45:25

“Apa wanda uwalenga ikumi na yasano, mu mwezi walenga cinimbali, umu uzevyo wa manda makulu a Nsakwe, intunguluzi ikacite icili conga kwene apa manda cinimbali apakutuula impolelwa yakufuta pa maifyo, impolelwa ya koca nga nu mutuulo wa vilyo na mafuta.”

Ezekelo 47:20

“Ku uwondaka ali kuno Yemba wa Adiliya alaya umupaka, ukufika apa lungatana nu wingililo waku Hamati. Uo ulaya ali mupaka waku uwondaka.

Amosi 6:14

Lelo Yawe Leza wa maka yonsi akuti, “Indamutumila antu amu mutundu uze kuti yize yamuponyezye inkondo, mwe ina Izlaeli. Yene yalamuzunya nzila yonsi ukutandikila sile ku Lebo Hamati mpaka ukufika nu ku cifoloma ca Alaba.”

Yoane 7:2

Lelo lino wanda wakuzezya Cimulo ca Nsakwe ca Ayuda wapalama,