2 Milandu 5:2 - Amazwi Yakwe Leza 2013

² Alino lyene umwene Solomoni aama aikolo ya mitundu ni nko zya ina Izlaeli kuti yakongane uku Yelusalemu apakuti yingizye Mbokosi ya Upangano ukufuma uku Zioni, umusumba wakwe Davidi nu kuikusizya mu Ng'anda ikulu yakwe Yawe.

2 Milandu 5:2 ပူးပေါင်းရင်းမြစ်များ

2 Samueli 5:7

(Lelo Davidi apokolola umusumba wao wi linga uwa Zioni, umusumba nga iyawama ukuti “Umusumba wakwe Davidi.”)

2 Samueli 6:12

Lyene lino umwene Davidi uvwa ukuti Yawe watapolelela Obedi Edomu na amu ng'anda yakwe pamulandu wakusunga Mbokosi ya Upangano yakwe Leza, akatuka aya aifumya ku ng'anda yakwe Obedi Edomu nga aitwala ku Yelusalemu ala akuzevya wakwe cimwi.

1 Milandu 15:1

Pacisila cakuikuulila amang'anda mu musumba wakwe Davidi, Davidi wateinye ni ncende yakusungila mwenemo Mbokosi ya Upangano yakwe Leza, aipangila ni Taalu kwene.

1 Milandu 15:12

Alino ayanena ati, “Mwemwe muli ntunguluzi zya nko zya ina Levi. Mwemwe pamwi na ina Levi yauzo mulinzile mwaipaatula nu kuwezya Mbokosi ya Upangano yakwe Yawe, Leza wa ina Izlaeli. Mulete Mbokosi iyo ku ncende ino naiteyanyizizya.

1 Milandu 15:25

Acino Davidi pamwi na ikolo amu Izlaeli na yamusika ampuka ya vita izimbi iyapita ku kuleta Mbokosi ya Upangano yakwe Yawe ukufuma ku ng'anda yakwe Obedi Edomu, yala yakuzanga.

1 Milandu 15:3

Davidi akonganika aina Izlaeli yonsi umu Yelusalemu kuti yaye yakasende Mbokosi ya Upangano yakwe Yawe nga yaitwale uku ncende ino wene waiteyanyizizye.

1 Milandu 16:1

Antu yaya yawezya Mbokosi ya Upangano yakwe Leza nga yayingizya mwi taalu lino Davidi waiteyanyizizye, nga yayika pa ncende yakweyo. Alino yapeela amawila yakoca pamwi na utandano kuli Leza.

1 Milandu 24:31

Cila ntunguluzi zya mitundu, ukwika penepo nu mwina wakwe wenga, yapendola kuti yamanye umulimo uno yapilwe, ndi vino aina yao amu mupanda wakwe Aaloni yacisile, aikolo na ance kwene. Yakambone yao umwene Davidi, Zadoki, Aimeleki, ni ntunguluzi kwene zizi zyakwe yasimapepo na ina Levi.

1 Milandu 24:6

Amu mupanda wakwe Eleaza na wakwe Itamali yalekelana ukupendola. Lyene kalemba, Syemaya umwana wakwe Netaneli, wino wali umwina Levi, alemba mazina yao. Yakambone yakwe aeya: umwene, ivilolo, simapepo Zadoki, Aimeleki umwana umonsi wakwe Abyata, nga ni ntunguluzi zya ndupwa zyakwe yasimapepo ni zya ina Levi

1 Milandu 26:26

Syelomiti pamwi na akazi kakwe, yawakanga icuma consi cino umwene Davidi wapile, pamwi ni ntunguluzi zya mitundu, ni ntunguluzi zyakwe yamusika ya vita cila zimbi lyonga, pamwi na yamusika ya vita umwanda onga, na yamusika yakulu ampuka zya vita.

1 Milandu 28:1

Umwene Davidi apeela ilamulo ku akalamba amu Izlaeli kuti yakongane ku Yelusalemu. Kuli kuti akalamba ya mitundu, yakapitao ampuka zino zyatumikilanga umwene, yamusika ampuka ya vita izimbi, na yamusika ya vita umwanda onga, na akalamba akawaka iviteekwa vyonsi ivya mwene ni vya ana yakwe aonsi, nga na akalamba ya kwisano, na antu yamaka ni vita iviposye.

2 Milandu 1:4

Lelo ukuya kwene wawezizye Mbokosi ya Upangano yakwe Leza ukufuma ku Kilyati Yealimu nga aitwala ku ncende ino waiteyanyizizye, pamulandu wakuti wene waipangile Taalu umu Yelusalemu.

2 Milandu 5:1

Lino umwene Solomoni wamala uku kuula Ng'anda ikulu yakwe Yawe aika mwenemo iviombelo vyonsi vino isi Davidi wapile kuli Yawe umu ntanta zyamu Ng'anda ikulu yakwe Yawe ivili wakwe zaabu, siluva navyuze ivyasyala.

2 Milandu 5:12

Alino aina Levi yonsi ali yakiimba ya nyimbo, ivili wakwe Asafu, Hemani na Yedutuni pamwi na ana yao aonsi na akazi kao apano yali. Alanga yatiyazwala ni nsalu izitelepelele, ala yimilile lwaku ufumondaka wa kavuwa, yakulizya iviwaya, na yababatoni na yabanjo. Ala yali pamwi na yasimapepo 120 yakulizya ni ntandala.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Masamu 87:2

Yawe watemwisya umusumba wa Zioni ukuluta uwikalo onsi uwaya ukuli konsi kuno amu mupanda wakwe Yakobo yakaikala.

Aina Levi 9:5

Antu iyaleta pa mulyango wi Taalu lya Ukongano, vintu vyonsi vino Mose wapeezile ilamulo, nga ni iuvi lyonsi likongana ku kupepa Yawe.

Mpendwa 10:33

Lyene lino antu yatenuka, yasya Mwamba wa Sinai, yapita ulendo wa manda yatatu. Pa manda yonsi yaa yatatu ala Mbokosi ya Upangano yakwe Yawe ikuyakolelela kuti yayalondele incende pakuti yangakuula insakwe.

Mpendwa 10:36

Lyonsi lino yimilila ni Mbokosi ya Upangano, Mose wavwanganga ati, “Ndanga we Yawe, su ngala uwele kuno ku mintapendwa ya ina Izlaeli.”