2 Milandu 4:2 - Amazwi Yakwe Leza 2013

² Alino apanga ni tanki lya kufulalila ilya mukuwa. Lyazisile amamita 2. Alino ukusalala ukufuma apampela ya milomo ukufika uku lusansa luze umu kucilinganya namo mwali amamita 4. Alino ndi twatola umwando twalilizya, ungaya amamita 3.

2 Milandu 4:2 ပူးပေါင်းရင်းမြစ်များ

2 Yamwene 25:13

Ivita vya ina Babiloni vyatamozile incesi ya vyela zyamu Ng'anda ikulu yakwe Yawe. Ivitamola ni ngolofwani izyali mwenemo kumwi ni tanki likalamba. Lyene yasenda nu mukuwa onsi ku Babiloni.

1 Milandu 18:8

Ukufuma ku Teba nu ku Kuni, imisumba yakwe Hadadezeli, Davidi atoola kweneko umukuwa uvule wakwe cimwi, uno pacisila Solomoni waomvizye pa kupangilako itanki lya mukuwa, ni ncesi nga ni viombelo vyuze vipusanepusane vyamu Ng'anda ikulu yakwe Yawe.

2 Milandu 4:3

Ukunzi ukuzinguluka imilomo iyalenga kweneko imisilwa iili ya vintu ivikoline na yacipambasi ya ng'ombe. Umusilwa onga iuya lwapapela, uze nao lwapisika. Vyonsi ala ivikumbilinkanyiziwe ukwi tanki.

Kufuma 38:3

Nupya viombelo vyonsi vya kavuwa yavipanga nu mukuwa, ukuli kuti vyakuponelamo itwi, yafosyolo, ingeso zya kukanyizizya, yafoloko akulu alino na malwangayo akupalilapo umoto.

Kufuma 38:8

Lyene yapanga muyeza wa mukuwa uwakufulalila, pamwi ni citende cakwe ukufuma ku vilola vya anaci yano yatumikilanga pa mulyango wi Taalu lya Ukongano kuno Yawe wakomenkananga na antu yakwe.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Tito 3:5

wene watutuuzile. Citali apamulandu wa vicitwa visuma vino twacita, lelo apamulandu wa mizu yakwe umwisikulu acino watutuulile. Wacisile cii pa kutufula mu maka yakwe Mupasi Wamuzilo, wino uwatulenga kuvyalwa cipya cipya nu kutandika umi upya.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.