2 Milandu 28:7 - Amazwi Yakwe Leza 2013

⁷ Zikili, icita caku Efulemu, cakomile Maaseya umwana umonsi uwa mwene, cikoma na Azilikamu uwali umukalamba wakwisano, na Elikana, uwali wakwe ciili uku mwene.

2 Milandu 28:7 ပူးပေါင်းရင်းမြစ်များ

Esita 10:3

Modekai Umuyuda wilya wali uwakwe ciili uku mwene Aasuwelo, wiyo wino na antu yakwe Ayuda yatemwisizye nu kucindika wakwe cimwi, pamulandu wakusakamala sana ivingazipila antu yakwe. Wene wacingililanga Ayuda yonsi pyu.

Utandiko 43:15

Caleka aina yakwe Yosefu yasenda vya mawila ni mpiya maila yaili ukuluta pali zizi, nga na Benjamini. Iyakumpeka iyaya ku Eguputo nga lino yafika kuku yaya kukulolana na Yosefu.

Utandiko 43:12

Nupya musende ni mpiya maila yaili ukuluta pali zino mwasenzile, pamulandu wakuti mulinzile ukuya wezezya impiya zino zyazanikwe mu masaka inu kuno. Limwi yaluvyanyizye sile pakwika lupiya mu masaka inu.

Utandiko 41:43

Avino amukwezya na pi celeta lyakwe lya wene, nga asilika yapita inkolelo, yazuka yakupunda yati, “Fumini mu nzila.” Vii avino Falao wamucisile ukuya mulasi wa mpanga yonsi ya Eguputo.

2 Milandu 28:6

Mu wanda sile onga Peka umwana umonsi wakwe Lemaliya akoma antu 120,000 aku Yuda, pamulandu wakuti yene yalanga yafutatila Yawe, Leza wa vikolwe vyao.

2 Milandu 28:8

Aina Izlaeli yasenda akazi kao aku Yuda wa anyepwe, ni mpendwa yao yali 200,000, anaci pamwi na ana aonsi na anaci kwene. Yasenzile ni visampwe nyanya, vino yatwazile ku Samaliya.