2 Milandu 22:9 - Amazwi Yakwe Leza 2013

⁹ Iyatandika ukulonda Aaziya mpaka iyamuzana kuno wafisime uku Samaliya. Alino iyamuleta kuli Yeu nga nawe amukoma. Iyazika Aaziya mutupu pano yavwanzile yati, “Wene umwizikulu wakwe Yeosafati, uwatumikilanga Yawe nu mwenzo onsi.” Acino kutali nanti wenga wa kazi kakwe Aaziya uwalingine ukupyana pa wene.

2 Milandu 22:9 ပူးပေါင်းရင်းမြစ်များ

1 Yamwene 13:21

Alino nawe apundilila kasema wilya wakwe Yawe wino wafumile ku Yuda ati, “Yawe wavwanga wati, ‘Apakuntalamila kuno wantalamila, wakana ukuyela ilamulo lino Yawe Leza wako wakupile,

1 Yamwene 14:13

Aina Izlaeli yonsi yalamulosya nu kumuzika. Wene alaya umuntu wenga sile uwamu mupanda wakwe Yeloboamu wino alazikwa ningo, pamulandu wakuti wene wenga sile aliwe wazanzya Yawe, Leza wa ina Izlaeli.

2 Yamwene 9:34

Alino lyene aingila nu mwisano mukasi atandika nu kulya ivyakulya vya mwenemo. Alino ayanena ati, “Sendini umwanaci wiyo umutipwe, nga mukamuzike, pamulandu wakuti wene wali umwana uwa mwene.”

2 Milandu 19:3

Lelo nanti cingaya vivyo, kuli ivisuma vimwi vino wacita, pasi pano wemo wonona maunkolanya yakwe Asyela umu mpanga ii yonsi nu kukwata umwenzo wakulondesya Leza cila nsita, vitalililika.”

2 Milandu 21:17

Yene yazanza antu aku Yuda, iyapokolola ivintu vyonsi vino yazanyile umwi sano, nga aci ya mwene ukwikapo na ana aonsi iyayasenda mu uzya. Uwasile wenga a kasuli wa mwene, Aaziya umwana umonsi.

2 Milandu 21:20

Yolamu wali ni myaka amakumi yatatu na iili apa nsita ino watandike ukuteeka, nga wateesile mu Yelusalemu imyaka cinani. Lino wafwile kutali umuntu nanti wenga uwakumuvwila ulanda. Iyamuzika mu Musumba wakwe Davidi, lelo ukunzi ya nzisi yakwe yamwene.

2 Milandu 21:4

Lino Yeolamu wikala apa wene wakwe isi, akoma akazi kakwe yonsi pyu uku lupanga, atwalilila nu kukoma intunguluzi zimwizimwi zyamu Izlaeli.

2 Milandu 22:8

Lino Yeu acili akulolekesya akazi kakwe Aabu, nkumankuma ni ntunguluzi zyaku Yuda pamwi na ipwa yakwe aizile mu kuombela Aaziya, yonsi yaa ayakomela pamwi.

2 Milandu 24:25

Lino aina Asilya yaya yamusya Yoasyi impondo, aomvi yakwe kwene yumana akapi, yamumalilila pa musanzi wakwe kwene, pamulandu wakuti wakomile umwana umonsi wakwe simapepo Yeoyada. Ali vino Yoasyi wafwile. Acino yamuzika mu musumba wakwe Davidi, lelo ukunzi ya nzisi yakwe yamwene.

2 Milandu 25:27

Ukufuma sile apa nsita lino Amaziya wafutatile Yawe, yene yumine akapi nu kumukatukila umu Yelusalemu, nga autukila ku Lakisyi. Lelo yene yatuma antu kuti yamulondelele ku Lakisyi, nga nayo yamukomela kuku kwene.

2 Milandu 33:24

Ivilolo vyakwe ali pakumukatukila, nu kumukoma iya mukomela umwi sano lyakwe kwene.

Yelemiya 29:13

Lino mwandonda mulanzana, cikulu sile mwandonda ni myenzo inu yonsi.