2 Milandu 21:2 - Amazwi Yakwe Leza 2013

² Akazi kakwe, ana aonsi yakwe Yeosafati, amazina yao a Azaliya, Zakaliya, Yeeiyeli, Azaliya, Mikaeli na Syefatiya. Yaa yonsi yali ana aonsi yakwe Yeosafati umwene waku Izlaeli.

2 Milandu 21:2 ပူးပေါင်းရင်းမြစ်များ

2 Milandu 12:6

Umwene Leoboamu pamwi ni ntunguluzi zyamu Izlaeli nayo yazumila ukuti icacumi yatiyifya kuli Yawe. Yavwanga nu kuvwanga iyati, “Vino Yawe akulonda acite ivilungame.”

2 Milandu 21:4

Lino Yeolamu wikala apa wene wakwe isi, akoma akazi kakwe yonsi pyu uku lupanga, atwalilila nu kukoma intunguluzi zimwizimwi zyamu Izlaeli.

2 Milandu 23:2

Yonsi kwene iyatandalila impanga yakwe Yuda nu kukonganika yasimapepo aku misumba yonsi yaku Yuda kumwi ni ntunguluzi zya nko zya ina Izlaeli. Lyene yonsi yakongana uku Yelusalemu,

2 Milandu 24:16

Yamuzisile mu musumba wakwe Davidi pamwi na yamwene pamulandu wa visuma vino wacisile mu mpanga ya Izlaeli nupya apa kutumikila Leza kumwi ni Ng'anda yakwe kwene ikulu.

2 Milandu 24:5

Akonganika yasimapepo yonsi kumwi na ina Levi, nga ayanena ati, “Yangini ku misumba yaku Yuda, mukasonkesye impiya ku ina Izlaeli yonsi izya kuomvya ku kuzifizya Ng'anda ikulu yakwe Yawe cila mwaka. Musininkizye ukuti umulimo uu waombwa muli zuwazuwa.” Lelo aina Levi yazingota ukucita cico.

2 Milandu 28:19

Yawe waponyizye intazi ikulu pa mpanga ya Yuda pamulandu wakwe Aazi umwene wa ina Izlaeli, pasi pano wene wakomelizye ukucita ukakasi mu mpanga ya Yuda, nupya wene atali uwacumi sana kuli Yawe.

2 Milandu 28:23

Apela impolelwa kuli tuleza twaku Damasiko, utwamucimvizye. Pasi pano wene welenginye ati, “Pamulandu wakuti tuleza twa ene aku Alamu twatituyazwa, nani namapeela impolelwa kunotuli apakuti tungazwe.” Lelo tuleza tuto utwamuletelile wononesi, ituletelela na ina Izlaeli yonsi.

2 Milandu 28:27

Lyene Aazi afwa nga yamuzika umu musumba wa Yelusalemu, lelo yatamuzisile mu nzisi yakwe yamwene aku Izlaeli. Alino Hezekiya umwana wakwe umonsi amupyana pa cilimba ca wene.

2 Milandu 33:18

Ivintu vyuze vyonsi vino Manase wacisile, na vino wapepanga Leza wakwe nga na mazwi yano yakasema yamunenyile umwi zina lyakwe Yawe, Leza wa ina Izlaeli, vyonsi vyalembwa mu lupapulo lwa milandu yakwe yamwene ya ina lzlaeli.

2 Milandu 35:18

Nupya yatatazile iyazevya Cimulo ca Ucilo wakwe cico umu Izlaeli ukutandikila sile umu nsita yakwe kasema Samueli. Kutatazile ikuya umwene nanti wenga uwazevizye Cimulo ca Ucilo wakwe lilyo lino Yosiya na yasimapepo, ukwikapo na ina Levi na Ayuda na ina Izlaeli yonsi azanyilwe kweneko pamwi na ikazi amu Yelusalemu yazevizye.