2 Milandu 2:4 - Amazwi Yakwe Leza 2013

⁴ Nemo natinakuulila Yawe, Leza wane, Ng'anda ikulu yakumucindikila mwenemo, muno antu yakwe pamwi nani kwene tulamucindikila mwenemo. Ali muno tulamufutumwila ubani wa mununko usuma. Alino nupya apa manso yakwe umweneco ali pano manda yonsi tulapeela umukate wamuzilo na mawila yakoca akatondo na manguzi. Umu Masabata nu mu manda makulu, alulumbi, ndi vino apa Ndoleko ya Mwezi, amuno tulatuula vivyo, wakwe muno watuneniile swe ina Izlaeli ukulacita pe na pe.

2 Milandu 2:4 ပူးပေါင်းရင်းမြစ်များ

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

1 Yamwene 8:18

Nga lelo Yawe umweneco uwanenyile Davidi icikolwe cane ati, ‘Pamulandu wakuti wisile amano ku kunkuulila Ng'anda ikulu muno mulauvwika izina lyane, ala wacita icintu icisuma pa kucita cico.

1 Yamwene 8:63

Solomoni wapeezile impolelwa ya mawila ya utandano kuli Yawe, apa kufyula ing'ombe 22,000 nga ni mfwele ni mbuzi 120,000. Ali vino fwandi antu pamwi nu mwene yapeela impolelwa nu kupaatwila Yawe Ng'anda yakwe ikulu.

1 Milandu 22:5

Davidi avwanga ati, “Solomoni umwanane acili umwance nupya atakweti umanyililo wa vintu, nga ni ng'anda ikulu ino wene amakuulila Yawe ilinzile kuya ikulu, iyembe wakwe cimwi nupya iya lulumbi ku manso ya antu amu nko zyonsi. Acino namateyanyizizya ng'anda iyo ivikulondekwa.”

2 Milandu 13:11

Cila katondo na manguzi, yakapeela amawila yakoca ni vyamununko usuma kuli Yawe. Yakaika nu mukate api tebulo iliswefiwe ilyamuzilo. Nupya cila manguzi yakakozya inyali zino yatekwa pa vyakuteekapo inyali. Swemo tukalondela vino Yawe watukonkomizye, nomba mwemo mwamutalamila.

2 Milandu 2:1

Solomoni welenginye ku kuulila Yawe Ng'anda ikulu iya kumupepela mwenemo nga nu kukuula isano lyakwe umwisikulu.

Neemiya 10:33

Tukaapeela impiya zyakulondela ivintu vii: umukate wamuzilo, amawila ya mbezu, amawila yakoca, amawila yakupeela pa Sabata, amawila yaku ndoleko ya mwezi, na apa manda asontwe a vimulo vya kuzevya, ni vintu vyamuzilo, amawila yakwelela amaifyo ya ina Izlaeli, alino nu kupeela icili consi icingalondwa ku mulimo waku Ng'anda ikulu yakwe Leza.

Masamu 86:8

Kutaya Leza uwaya wakwe wewe, we Yawe. Kutatala kuloleke nanti wenga uwacita wakwe vino wacita.

Masamu 96:4

Pano Yawe umukulu, nupya uwakulumbanya wakwe cimwi, Wene uwakoopa ukuluta tuleza tonsi.

Kufuma 25:30

Pi tebulo uwaikapo umukate uwapeelwa kuli Leza.

Kufuma 30:7

Cila katondo konsi Aaloni afutikila ubani wa cinunkilo cisuma, nupya insita kwene iyo aateyanya malampi yaili.

Mapinda 7:20

Wasenda icola icizilemo impiya, nga atalawela zuwa, suka pacisila ca milungu iili.”