2 Milandu 2:3 - Amazwi Yakwe Leza 2013

³ Solomoni alino atumila Hilamu umwene waku Tuli amazwi ati, “Nani kwene nkulonda uncitile vivi kwene vino wacitile tata Davidi. Wamutumile imilando ya mikelide kuti akuulile isano lyakwe.

2 Milandu 2:3 ပူးပေါင်းရင်းမြစ်များ

2 Samueli 5:11

Lyene Hilamu umwene waku Tuli atuma inkombe kuli Davidi ni vilongelelwa ivya uculuzi. Wayalongelizye imilando ya mikelide, pamwi na yakawaza ya mbao na yakaconga ya mawe, nga nayo iyakuulila Davidi isano.

1 Milandu 14:1

Lyene umwene Hilamu waku Tuli atuma inkombe kuli Davidi, ayalongelezya ni milando ya mikelide, amutumila yakaconga ya mawe na yakawaza ya mbao kuti yakamukuulile isano.

2 Milandu 13:11

Cila katondo na manguzi, yakapeela amawila yakoca ni vyamununko usuma kuli Yawe. Yakaika nu mukate api tebulo iliswefiwe ilyamuzilo. Nupya cila manguzi yakakozya inyali zino yatekwa pa vyakuteekapo inyali. Swemo tukalondela vino Yawe watukonkomizye, nomba mwemo mwamutalamila.

2 Milandu 24:14

Lino yamala umulimo, yawezya impiya ku mwene na kuli Yeoyada, nga nayo iyaziomvya pa kupangisya iviya vya Ng'anda ikulu yakwe Yawe, ni vyakocela amawila yakoca, nga ni ngeso nga ni viombelo vyuze vyakwe zaabu na siluva. Antu yatwalilila ukupeela amawila yakoca ukwaula ukuta pa manda yonsi yano Yeoyada wali a simapepo mukalamba.

2 Milandu 4:19

Umwene Solomoni wapanzile iviya ivyakuomvya mu Ng'anda ikulu yakwe Yawe vyakwe zaabu ivili wakwe vii: kavuwa kakwe zaabu, amatebulo yano yatantamikilanga penepo umukate uwapeelwa kuli Leza.

2 Milandu 8:13

ndi vino yalondekwanga cila wanda. Wene wapeelanga impolelwa apakulondela amalamulo ndi muno calembelwa umu masunde yakwe Mose ukulingana na manda yi Sabata, na pa ndoleko ya mwezi, nga na pa vimulo vitatu vya cila mwaka, kuli kuti Cimulo ca Mukate usi na Citutumusi, Cimulo ca Uzombozi ni Cimulo ca Nsakwe.

Ezila 6:3

Umu mwaka wakutandikila penepo uwa kuteeka kwakwe, mwene Kilusi wapingula apamulandu ni Ng'anda yakwe Leza yaku Yelusalemu, ukuti ng'anda iyo ikakuulwe cipya cipya. Mumo amuno yalinzile ukupeelela mwenemo ivya mawila yakoca. Ice itumpuke papeela amamita ukulingana na makumi yaili na cinimbali, nu mukusalala namo vivyo kwene, amamita amakumi yaili na cinimbali.

Neemiya 10:34

Swe yasimapepo, aina Levi alino na antu sile, tulapendola kuti tusolole inko izyakutiiya inkwi nu kuleta uku Ng'anda ikulu yakwe Leza witu pa nsita isontwe cila mwaka, kuti yaocela impolelwa pa kavuwa kakwe Yawe Leza witu ndi vino calembwa mu mpapulo zya Masunde.

Kufuma 25:30

Pi tebulo uwaikapo umukate uwapeelwa kuli Leza.

Kufuma 29:38

“Pa kavuwa ka mpolelwa uwatwalapo nu kupeela vii nsita zyonsi. Cila wanda uwatwalapo nu kupeela ana ya mfwele yaili ali nu mwaka onga.

Kufuma 29:39

Mwana wa mfwele umwi uwamutwala katondo, nu muze manguzi.

Kufuma 29:41

Lyene uwatwala umwana wa mfwele wakwe ciili manguzi. Pamwi nu mwana wa mfwele nupya kwene uwatwala uwila wa usu nga ni cawila wa vyakumwa, ndi vino cili ku vintu vyamu katondo kuti viye amawila yakoca na kuti viye ivya mununko usuma ivyakuzanzya Yawe. Ukwene uli wila wakocela Yawe.

Kufuma 30:7

Cila katondo konsi Aaloni afutikila ubani wa cinunkilo cisuma, nupya insita kwene iyo aateyanya malampi yaili.

Aina Levi 23:2

“Nena aina Izlaeli uti, ‘Manda akuzevya yano nasolola akucindika Yawe, yano mulinzile kumanyisya kuti yaye amaukongano yamuzilo, amanda yakuzevya yano Nene nasolola aeya:

Aina Levi 9:17

Nupya kwene aleta uwila wa usu, atapula ikufi lyonga, alino aoca pa kavuwa. (Cii, cali kulundapo pa vya wila wakoca uwa cila wanda.)

Mpendwa 28:11

“Pa wanda wakutandika umwezi, muce mwafyulila Yawe inyama zya wila wakoca, yacipambasi yaili, suuku wenga, utwana cinimbali utwa mfwele utwa mwaka onga nupya ututakweti ulema nanti umwi.

Mpendwa 28:9

“Pa wanda wi Sabata muce mwapeela imfwele, yasuuku yaili a mwaka onga, izyaula ulema nanti umwi. Nu kulunda penepo uwila wakwe waini nu wila wa cakulya uwa makilogalamu yaili ya usu utonyoleke, uno yatikinkanya na mafuta ya miolivi.