2 Milandu 2:1 - Amazwi Yakwe Leza 2013

¹ Solomoni welenginye ku kuulila Yawe Ng'anda ikulu iya kumupepela mwenemo nga nu kukuula isano lyakwe umwisikulu.

2 Milandu 2:1 ပူးပေါင်းရင်းမြစ်များ

1 Yamwene 5:15

Solomoni wakweti antu 70,000 akusenda amawe, na antu 80,000 yakalepula ya mawe mu myamba,

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

1 Yamwene 7:1

Casendile Solomoni imyaka ikumi na itatu ukumalila uku kuula isano lyakwe.

1 Yamwene 8:18

Nga lelo Yawe umweneco uwanenyile Davidi icikolwe cane ati, ‘Pamulandu wakuti wisile amano ku kunkuulila Ng'anda ikulu muno mulauvwika izina lyane, ala wacita icintu icisuma pa kucita cico.

1 Yamwene 8:20

“Ali cino fwandi lyene Yawe watafikilizya ulayo wakwe. Pasi pano nene napyana Davidi, kuti nateeka aina Izlaeli ndi muno walavile, nga natinkuulila Yawe Ng'anda ikulu, Leza wa ina Izlaeli, umwakuti izina lyakwe lyauvwika.

1 Yamwene 9:1

Lino Solomoni wamala ku kuula Ng'anda ikulu yakwe Yawe nga ni sano, nga na vyonsi vino wakasi ku kuula,

1 Milandu 22:10

Aliwe kwene alankuulila Ng'anda ikulu. Wene alaya umwanane umonsi, nga nani ndaya isi, na amu mupanda wakwe yalateeka apa cilimba ca wene wa Izlaeli umuyayaya.”

2 Milandu 1:17

Alino napa mitengo ya maceleta yano yafumanga uku Eguputo yakazyanga imfwalasi ukufuma kuli yamwene ya ina Hiti na ina Asilya. Iceleta lyonga lyakalikangwa apa mutengo wa mpiya zyakwe siluva ukulingana ni myanda mutanda. Alino ni mfwalasi yonga nayo apa mutengo wa mpiya zyakwe siluva ukulingana umwanda onga na makumi yasano.

2 Milandu 2:12

Nga Hilamu alundapo ukuvwanga ati, “Alumbanyiwe Yawe, Leza wa ina Izlaeli, kaumba uwiyulu ni nsi! Wapeela umwene Davidi umwanakwe uwa mano wiyo uwakwata amalango yakwiluka. Nupya fundi akweti amapange a kukuulila Yawe Ng'anda ikulu ni sano lyakwe umweneco.

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Malango 28:58

“Ndi mulakana ukuyela ningo amasambilizyo yakwe Leza yano yalembwa mu lupapulo luu, nupya ndi mwakana ukucindika izina ilyalulumbi nupya ilyakoofya lyakwe Yawe Leza winu,