2 Milandu 17:3 - Amazwi Yakwe Leza 2013

³ Yawe wapolelile Yeosafati pano wakweti imisango yakwe isi Davidi ino wacitanga apakutandika, nupya wene atapepanga Tubaali. Wapepanga sile nu kutumikila Leza. Atalondelanga nanti ukucita ivyacitanga yamwene aku Izlaeli.

2 Milandu 17:3 ပူးပေါင်းရင်းမြစ်များ

Utandiko 39:21

Lelo Yawe wacingililanga Yosefu nga nu kumupolelela. Cii, calesile kuti kalinda wa anyepwe umukalamba azangila muli Yosefu.

2 Samueli 5:10

Amaka yakwe Davidi yavulilangako sile, pamulandu wakuti Yawe Leza Wamaka yonsi wali nawe.

2 Samueli 8:15

Davidi ateeka impanga yonsi iya Izlaeli ala akucitila antu yakwe ivya ulungami ukwaula ulufyengo.

1 Yamwene 11:6

Solomoni wacitanga ivintu navyuze nyanya iviipe, pa manso yakwe Yawe. Wene atali uwacumi kunoli ndi vino isi Davidi wali.

1 Yamwene 22:43

Yeosafati wacitanga ivintu ivisuma pa manso yakwe Yawe, wakwe vino isi Asa wacitanga. Lelo wene atononyile incende zino antu atamanya Leza yapepelanga penepo. Nupya antu yatwalilile ukupeelela penepo impolelwa nu kocela ubani ku ncende zizi kwene.

1 Yamwene 3:3

Solomoni wali umuntu umwi uwatemwisizye sana Yawe, nu kulondela walondelanga amasunde yakwe isi Davidi. Lelo nawe kwene walanga acili akupeelela impolelwa nu kocela ubani pa ncende zino yakapepela mwenemo zipusanepusane.

2 Yamwene 14:3

Amaziya wacitanga ivintu visuma pa manso yakwe Yawe. Lelo kwene atali wakwe Davidi icikolwe cakwe. Wene walondile mu lwazo lwakwe isi Yoasyi vino wacisile.

2 Yamwene 16:2

Aazi wali ni myaka yakuvyalwa amakumi yaili apa nsita ino watandike ukuteeka, nga wateesile mu Yelusalemu imyaka ikumi na mutanda. Wene atacitanga ivisuma pa manso yakwe Yawe ndi vino Davidi, icikolwe cakwe, wacitanga.

2 Yamwene 18:3

Hezekiya wacitanga ivintu ivisuma pa manso yakwe Yawe, ndi vino Davidi icikolwe cakwe wacitanga.

2 Yamwene 22:2

Yosiya wacitanga ivintu ivisuma pa manso yakwe Yawe, ndi vino Davidi icikolwe cakwe, wacitanga. Walondelanga amasunde yakwe Yawe nu mwenzo wakwe onsi.

1 Milandu 22:18

Ayanena ati, “Yawe Leza winu ali namwe, nga amamupeela umutende uku mbali zyonsi. Wene wampile ucimvyo apa antu yonsi aikalanga umu mpanga ii, nga ndakai antu yayo yakutumikila mwemwe na Yawe kwene.

2 Milandu 14:11

Lyene Asa apepa kuli Leza wakwe ati, “We Yawe, kusi umwi akoline nawe wiyo angatutuula. We Yawe, Leza witu, si ule utwazwe, pasi pano amuli wewe sile muno tusintilile amaka. Umwi zina lyako amuno twatitwizila apakulwisya iumba lya vita lilyo ilikalamba. Iye we Yawe, wewe Leza witu nupya kusi nanti wenga angakucimvya.”

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

2 Milandu 17:2

Wafyantike ivita vyakwe monsi kwene umu misumba ino Asa wasile wapokolola umu mpanga yakwe Efulemu.

2 Milandu 17:4

Watumikilanga sile Leza wa cikolwe cakwe nu kuyela amalamulo yakwe, ukwaula ukulondela ivicitwa vyakwe yamwene aku Izlaeli.

2 Milandu 20:32

Yeosafati watozile icilangililo ca miyele isuma cakwe isi Asa. Atatazile asye umu nzila zyakwe isi. Wene watwalilile nu kuzanzya Yawe amanda avule.

2 Milandu 21:12

Alino wapokelile kalata wakwe kasema Eliya uwa kumusopesya nu kumulondolwela ati, “Yawe, Leza wa cikolwe cako Davidi wavwanga wati, ‘Wemo utakulondela icilangililo ca cikolwe cako Yeosafati, nanti cakwe Asa umwene waku Yuda.

2 Milandu 22:9

Iyatandika ukulonda Aaziya mpaka iyamuzana kuno wafisime uku Samaliya. Alino iyamuleta kuli Yeu nga nawe amukoma. Iyazika Aaziya mutupu pano yavwanzile yati, “Wene umwizikulu wakwe Yeosafati, uwatumikilanga Yawe nu mwenzo onsi.” Acino kutali nanti wenga wa kazi kakwe Aaziya uwalingine ukupyana pa wene.

2 Milandu 27:6

Lyene Yotamu akulila kweneko umu maka pamulandu wakuti wene wayelanga Yawe Leza wakwe nu mwenzo onsi.

2 Milandu 29:2

Wene wacitanga ivintu ivisuma pa manso yakwe Yawe, ndi vino Davidi icikolwe cakwe cacitanga.

2 Milandu 34:2

Yosiya wacitanga ivintu ivisuma pa manso yakwe Yawe, ndi vivyo ivyacitanga Davidi icikolwe cakwe. Walondelanga usaka amasunde yonsi yakwe Yawe.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

Kufuma 4:12

Acino ndakai pitanga! Ndalenga kuti uvwange nupya ndakunena ivyakuvwanga.”

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 8:10

Muiteyanye vino muli nu kucita. Lelo kwene pasi cino mulacita. Mutake vyonsi vino mungataka, lelo mukuicuzya sile. Pano swemo Leza waya naswe.

Yelemiya 2:23

Ungavwanga uli ukuti utaikowezya nupya utalondelanga Baali? Tala lola vino waifizye umu cifoloma ca Beni Hinoni, elenganya pali vino wacisile. Wemo icili conga ni ngamila yakaci ino ikusimula kuu na kuuku.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Mateo 18:20

Pano kuno antu yaili nanti yatatu yakongana mwi zina lyane, nani ndaya nao.”

Mateo 25:16

Muomvi uwaposile impiya mazimbi yasano apita lilyo kwene, atandika kuziomvya azanilapo nazyuze mazimbi yasano.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

2 Timoti 4:22

Mwene asunge umi wako. Cikuku cakwe Leza ciye namwe mwensi.

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yakapingula 2:11

Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Yakapingula 6:12

Alino umungeli wakwe Yawe aloleka kuli Gidyoni nga avwanga ati, “Yawe ali nawe, we cita cikanzane!”

Yakapingula 8:33

Pacisila ca mfwa yakwe Gidyoni, aina Izlaeli nupya kwene yatali acumi kuli Leza nga iyapepa tuleza Tubaali. Iyaipangila Baali Beliti ukuya ali leza wao.

1 Samueli 18:12

“Saulo aoopa Davidi, pamulandu wakuti Yawe wali na Davidi lelo wene asya aliwe.

1 Samueli 18:14

Nupya wene wali nu longo muli vyonsi vino wacitanga, pamulandu wakuti Yawe wali nawe.

1 Samueli 18:5

Muli vyonsi kwene vino Saulo watumanga Davidi ukuyacita, wene ataposiwanga cakuti Saulo amulasika icifulo icikulu icamu vita. Na cii cazanzizye antu yonsi, kumwi ni ntunguluzi kwene zyakwe Saulo.