2 Milandu 16:3 - Amazwi Yakwe Leza 2013

³ “Leka tucite cipangano nawe, vivi kwene vino akwasi itu yapangine. Nakutumila siluva na zaabu ivya wila sile kunuli. Wemo pangulula sile cipangano cino mwacisile na Baasya, umwene waku Izlaeli uleke ace afumye ivita vyakwe umu mpanga yane.”

2 Milandu 16:3 ပူးပေါင်းရင်းမြစ်များ

2 Samueli 21:2

Aina Gibyoni yatali aina Izlaeli. Yene yali akaliumba akanono ka ina Amoli kano aina Izlaeli yalavile nu mulapo ukuti yamayacingililanga. Lelo Saulo alonda kuyakoma, pamulandu wa muzonda uno wakwatile aina Izlaeli na ina Yuda.

1 Yamwene 15:16

Kwali inkondo pakasi kakwe Asa na Baasya umwene waku Izlaeli mu manda yonsi autesi wao.

2 Milandu 16:2

Asa nawe fwandi ali pakutoola siluva na zaabu ivyali umu nkoma zya Ng'anda ikulu yakwe Leza nu mwi sano kwene, nga avituma uku Damasiko uku mwene Beni Hadadi uwaku Asilya, na mazwi yaa akuti,

2 Milandu 16:4

Ben Hadadi nawe asi mukanyi, azumilizya Asa, atuma ni nkombe izyakuti ziye zikalwisye imisumba ya ina Izlaeli. Yapokolola umusumba wa Iyoni, Dani, Abeli Maimu kumwi ni misumba yonsi iyazingulwike icitungu ca Nafutali, mumo umwali inkoma zya vintu.

2 Milandu 18:3

Aabu ali pakuuzya Yeosafati ati, “Uzye kwene utalansukilila uku kulwisya umusumba wa Lamoti Gileadi?” Yeosafati amwaasuka ati, “Wemo ndi cakuti watuiteyanya sile, ale nani kwene natinjiteyanya pamwi ni vita vyane kwene. Ala mwine, tuli nu kupita nawe.”

2 Milandu 19:2

Kasema Yeu umwana wakwe Hanani nawe ala watafumila apanzi ku kumukomenkanya. Lino yakomenkana, nga kasema Yeu auzya umwene ati, “Uzye icisuma ukwazwilizya anisi yakwe Yawe? Apamulandu uu, umukosi wakwe Yawe uli nu kukuponela.

Masamu 15:4

Awiyo wino akalolekesya umwipe ni misuula, lelo akacindika nu kutontela Leza. Wino ndi walapa asifutuka, nanti angailetelela umweneco.

Kufuma 32:21

Lyene auzya Aaloni ati, “Uzye antu kwene yaa yacisile cani kunuli pakuti uyalenge kuti yacite iifyo iliipisye vii?”

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

2 Timoti 3:3

Yene yatalaya nu luse na mizu, yene yalaya akwakwa, alwete nupya akakate. Yalapata visuma.

Yakapingula 2:2

Acino namwe kwene mutakezye kupangana na antu amu mpanga ii, lelo muce monone utuvuwa twao.’ Nga nalyo kwene mwemo mwakana ukunjela. Uzye pacani cino mwacita cino namulesizye?