2 Milandu 15:11 - Amazwi Yakwe Leza 2013

¹¹ Uwanda kwene uo, iyatola ivyuma vimwi pa visampwe vino yasenzile yapeela ni mpolelwa kuli Yawe. Yakomile ing'ombe imyanda cinimbali, imfwele zyene amazimbi cinimbali.

2 Milandu 15:11 ပူးပေါင်းရင်းမြစ်များ

2 Milandu 1:6

Solomoni apano lyene apepela Yawe, Leza wakwe. Atuulila penepo na mawila apa kavuwa ka mukuwa akali apa nkolelo yi Taalu. Apano afyulila inyama izimbi lyonga zya mawila yakoca nu kuzyocela papa kwene.

2 Milandu 14:12

Fwandi Yawe Leza nawe ali pakukomola aina Kusyi pa manso yakwe Asa na ikazi aku Yuda. Aina Kusyi yayacimvya nga yapuuka.

2 Milandu 15:10

Antu ali pakukongana uku Yelusalemu umu mwezi wakwe citatu umu mwaka uwalenga ikumi na isano uwa kuteeka kwakwe Asa.

2 Milandu 7:5

Solomoni wapile impolelwa yacipambasi 22,000 ni mfwele pamwi ni mbuzi nazyo 120,000. Ali vino umwene Solomoni pamwi na antu yonsi yapaatwile Ng'anda ikulu yakwe Yawe.

Mpendwa 31:50

Ali cino cila muntu muno tuyelile twaleta utuntu tumwi tuno twalombwile utwapangwa kuli zaabu. Twati katuvipeele kuli Yawe kuti yatucitile ulutambi lwa kufuta amaifyo. Ni vintu vivyo vili wakwe tunekelesi, utuwangili, amakoza aku makasa, imbalaminwe, amaelena ni viyembelo vyuze.”

1 Samueli 15:15

Saulo aasuka ati, “Asilika yazisenzile ukufuma ku ina Amaleke. Yene yatakomile iviteekwa ivisuma ukuluta umu mfwele ni ng'ombe kuti yavipeele impolelwa kuli Yawe Leza wako. Lelo ivyasyala twavyonona pyu.”

1 Samueli 15:21

Asilika yene iyasenda imfwele ni ng'ombe ukufuma pa visampwe, iyasenda ivisuma ukuluta vino twali nu konona, pakuti yakapele impolelwa kuli Yawe Leza wako ku Giligali.”