2 Milandu 14:2 - Amazwi Yakwe Leza 2013

² Asa wacitanga ivintu visuma ivyakuzanzya Yawe.

2 Milandu 14:2 ပူးပေါင်းရင်းမြစ်များ

1 Yamwene 15:11

Asa wacisile ivisuma pa manso yakwe Yawe, ndi vino Davidi icikolwe cakwe wacisile.

1 Yamwene 15:12

Wene wafumizye yacizelele amu mpanga ilya nu konona utuluwi tonsi tuno isi wapanzile.

1 Yamwene 15:14

Nanti angala Asa atononyile ncende zino yapepelanga mwenemo, wene watwalilile kuya uwacumi kuli Yawe mu manda yonsi aumi wakwe.

2 Milandu 14:1

Abiya afwa, nga yamuzika mu musumba wakwe Davidi ku nzisi ya vikolwe vyakwe. Asa umwana wakwe umonsi amupyana apa cilimba ca wene, nga mu manda ya kuteeka kwakwe, impanga yali cele apa myaka ikumi.

2 Milandu 14:3

Watandike ukutamola utuvuwa twa inamasi tuno yakuuzile nga ni ncende zya kupepela penepo. Fwandi waongolwile ivipilala vyamuzilo nu kuputola vimanyililo vyakwe Asyela.

2 Milandu 15:16

Umwene Asa wafumizye Maaka uwali a nyinakulu, pa cifulo cakwe unamwene apamulandu wakuti nakulu wiyo walanga wapanga ulucesi ulwakolana nu mwanaci, luno wene wapepanga apakucindika Asyela, wakwe Leza wikwata. Fwandi Asa walanga wamanya cico, ali pakulutema, aluwisya nu kulukomoola. Aya alocela nu mu Cifoloma ca Kiduloni.

2 Milandu 17:6

Umwene nawe ali pakukomeleka ukutumikila Yawe. Ukulunda pali cico, aonona incende zyonsi zino yapepelanga penepo utuluwi, atamola ni vimanyililo vyakwe Asyela umu mpanga ya Yuda.

2 Milandu 20:32

Yeosafati watozile icilangililo ca miyele isuma cakwe isi Asa. Atatazile asye umu nzila zyakwe isi. Wene watwalilile nu kuzanzya Yawe amanda avule.

2 Milandu 21:12

Alino wapokelile kalata wakwe kasema Eliya uwa kumusopesya nu kumulondolwela ati, “Yawe, Leza wa cikolwe cako Davidi wavwanga wati, ‘Wemo utakulondela icilangililo ca cikolwe cako Yeosafati, nanti cakwe Asa umwene waku Yuda.

2 Milandu 31:1

Lino vii vyonsi vyasila, aina Izlaeli yano yali kweneko yafuma nga yapita ku misumba yaku Yuda, yatamola incesi nu kuputola ivyaunkolanya vyakwe kaleza kanaci ka Asyela. Iyonona ni ncende zyakupepela penepo tuleza twao kumwi nu tuvuwa mu mpanga yonsi yakwe Yuda, na yakwe Benjamini, na Efulemu, na Manase. Pacisila ca konona vyonsi kwene, aina Izlaeli yaswilila ku misumba yao nu ku mpanga zyao.

2 Milandu 31:20

Hezekiya wacisile vyonsi vii umu mpanga yonsi ya Yuda. Wacitanga ivisuma ivilungame nupya ivyacumi apa manso yakwe Yawe Leza wakwe.

2 Milandu 34:7

Aonona utuvuwa na maunkolanya yakwe Asyela, asyunola ni viluwi nu kukomola utuvuwa tonsi utwakocela penepo ubani. Alino aswilila mwenemo ku Yelusalemu.

Kufuma 23:24

Mutafukamila unkolanya wakwe tuleza twao nanti kutupepa. Mutalondelela mipepele nanti miyele ya antu yaa. Mukonone tuleza twao nupya mukatamole vipilala vya mawe yao pano yakapepela.

Luka 1:75

kuti twaikala mu umi wamuzilo nu wololoke pa manso yakwe, mu manda ya umi witu onsi.

Malango 12:3

Muce momolole utuvuwa twao, mutamole ni viumbili vya mawe, nu kuputola incesi zyakwe Asyela. Muputole nu tuluwi twakwe tuleza twao nu kulovya amazina yatuko mu ncende zizya.