2 Milandu 13:9 - Amazwi Yakwe Leza 2013

⁹ Mwemo nu kuzinga mwazinga yasimapepo yakwe Yawe, ana aonsi yakwe Aloni, na ina Levi apa vifulo vyao. Mwasontela penepo yasimapepo yauze ndi vino antu amu mpanga zyuze zya inamasi yasonta. Ali kuti umuntu wensi wiyo uwiza na cipambasi nanti yasuku cinimbali, ku kuiswefya, wene ala angaya a simapepo wakwe tuleza kwene tuto utuluwi tuno mukati atuleza twinu.

2 Milandu 13:9 ပူးပေါင်းရင်းမြစ်များ

1 Yamwene 13:33

Pacisila ca milandu yonsi iyo, Yeloboamu umwene waku Izlaeli atatiile imisango yakwe iipe. Wene watwalilile ukwika na antu pali usimapepo apa ncende zino yakapepela mwenemo, yao atalinzile. Wensi wino umweneco watemwa amupeela usimapepo wa pa kavuwa.

2 Yamwene 19:18

Ukwika penepo nu koca utuluwi tuleza twao, ututaya a tuleza twacumi. Twene twapangwa sile uku antu wa unkolanya sile, ukufuma ku vimiti na mawe.

1 Milandu 29:5

nga ni viombelo vyonsi vino yafundi ya milimo yalapanga. Lyene aweni namuze akasi ukupelesya kuli Yawe apilelo?”

2 Milandu 13:10

“Lelo kwene swemo Yawe a Leza witu, nupya tutalatala tumusangukile. Yasimapepo itu ana yakwe Aaloni yacili yakuomba imilimo yao na ina Levi nayo kwene yacili yakuyazwilizya kweneko.

2 Milandu 29:31

Lyene Hezekiya avwanga ati, “Ndakai mwatimuiswefya mweisikulu kuti muombe umulimo wakwe Yawe. Acino palamilini kuno, mulete impolelwa na mawila inu akutaizya uku Ng'anda ikulu yakwe Yawe.” Nga antu yonsi yano imyenzo yao ikasi yaleta amawila yakoca.

Kufuma 29:1

Yawe anena Mose ati, “Lino wapaatula Aloni, vii avino ucite ku ana yakwe aonsi kuti yaye yasimapepo akuntumikila: Utoole kacipambasi konga, nga na yasuuku yaili aula ulema.

Kufuma 29:29

“Vyakuzwala vyamuzilo vyakwe Aaloni vilasyala vya ana yakwe aonsi lino alafwa, pakuti yavizwala lino yakupaatulwa pa kukuziwa pali usimapepo.

Kufuma 29:35

“Malamulo yonsi yano nakunena, unene Aaloni na ana yakwe aonsi. Ukacite lutambi lwa kuyapaatula pa manda cinimbali.

Kufuma 32:29

Alino Mose anena aina Levi ati, “Uwanda wi lelo mwaipaatula mwenga kuti muye yasimapepo akutumikila Yawe, pakukoma ana inu pamwi na akazi kinu. Caleka Yawe wamupolelela pa wanda wi lelo.”

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Yelemiya 5:7

Yawe auzya ati, “Uzye pacani cino ningelela amaifyo ya antu yane? Yene yamfutatila nupya yakapepa tuleza utusi twacumi. Nemo nimwile antu yane mpaka yikuta, lelo yene yacisile ulenzyo nu kwizya pamwi na yacizelele.

Oseya 8:6

Kawaza uwamu Izlaeli aliwe uwapanzile unkolanya uo, asi Leza awe. Unkolanya waku Samaliya ulaputolwa mu tupimfya.

Aina Levi 16:32

Simapepo Mukulu wino watekwa pa cilimba ca usimapepo, wino wapaatulwa kuti angapyana isi awino angacita ulutambi lwa kufuta amaifyo. Alinzile kuzwala vyakuzwala vya usimapepo,

Aina Levi 8:2

“Toola Aaloni na ana yakwe. Utoole ni vyakuzwala vyausimapepo, amafuta akusolwela, na cipambasi uwa wila wa kwelela amaifyo, na yasuuku yaili, ni cimponda ca mukate usi na citutumusi.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Galatiya 4:8

Lino mutamanyile Leza mwemo mwali azya ya tuluwi tutali tuleza.

Malango 32:17

Yene yapezile impolelwa zyao ku tuluwi, utusi tuleza mucumi, tuleza utupya tuno ivikolwe vyao vitamanyile, tuleza tuno aina Izlaeli yatatazile yayele.