2 Milandu 13:2 - Amazwi Yakwe Leza 2013

² Wateesile mu Yuda imyaka itatu. Nyina wali a Maaka, umwana umwanaci wakwe Uliyeli uwaku Gibeya. Kwali inkondo pakasi kakwe Abiya na Yeloboamu.

2 Milandu 13:2 ပူးပေါင်းရင်းမြစ်များ

1 Yamwene 14:19

Ivintu vyuze vyonsi vino umwene Yeloboamu wacisile, inkondo zino walwisizye nga ni mitekele yakwe, vyalembwa mu lupapulo lwa Milandu yakwe Yamwene aku Izlaeli.

1 Yamwene 14:20

Umwene Yeloboamu wateesile imyaka ikumi na iili. Alino afwa, nga yamuzika. Lyene Nadabu umwana wakwe umonsi amupyana pa cilimba ca wene.

1 Yamwene 15:2

Wene wateesile mu Yelusalemu imyaka itatu. Nyina wali a Maaka umwana umwanaci wakwe Abusalomu.

2 Milandu 11:20

Umukaya amanda, Leoboamu watwite na Maaka umwana wakwe Abusalomu. Nawe amuvyalila ana aonsi yani. Amazina yao a Abiya, Atai, Ziza na Syelomiti.

2 Milandu 12:15

Imilandu yakwe Leoboamu pamwi ni ya luko lwakwe ukutandikila sile pano yamulasike pa cilimba ca wene, ukwizafika napa mfwa yakwe, vyonsi vyalembwa mu lupapulo lwakwe kasema Syemaya, alino nu mu lupapulo lwakwe Ido, kalola wa vilolwa. Leoboamu na Yeloboamu yalwanga lililili.

2 Milandu 13:3

Abiya wakweti ivita 400,000. Alino Yeloboamu nawe wakweti ivita 800,000.

Yoswa 18:28

Zela, Haelefe, umusumba wa ina Yebusi (kuli kuti, Yelusalemu), Gibeya na Kilyati Yealimu: imisumba ikumi na ini nga ni mizi yakweyo. Iyo ili mpanga ino umutundu wakwe Benjamini wapilwe, uluko nu luko kuti iye icaupyanyi cao.

Yakapingula 19:14

Acino iyatwalilila ulendo wao, nga ni lanzi iliwa lino yapalama ku Gibeya mu mpanga yakwe Benjamini.

Yakapingula 19:16

Lino kakuku katola ikwiza umonsi umwi umukote ukufuma ku vyalo. Wene wali uwaku mpanga yakwe Efulemu, impanga ya myamba, nanti angala wikalanga mu Gibeya. (Aikazi yauze ya mwenemo yali amu mutundu wakwe.)

1 Samueli 10:26

Saulo nawe kwene apita kumwao ku Gibeya, ni umba lya vita lyamulondela, yao yano Leza watonsizye imyenzo.