2 Milandu 1:2 - Amazwi Yakwe Leza 2013

² Alino lyene Solomoni anena aina Izlaeli yonsi, yamusika ampuka ya vita izimbi lyonga, alino na yamusika ya vita umwanda onga na akalamba yamu uteko wakwe, amwazwilizyanga ukuteeka umu mpanga yamu Izlaeli ni ntunguluzi zya mitundu yao alino na antu sile yonsi.

2 Milandu 1:2 ပူးပေါင်းရင်းမြစ်များ

1 Yamwene 3:4

Pa nsita imwi umwene waile ku Gibyoni ku kupeela impolelwa, pano ukwali incende icindame kuluta izyuzye. Solomoni pali pakupeela amawila izimbi akoca pa kavuwa kako.

1 Milandu 13:1

Umwene Davidi auzya cila muomvi pakasi ka ntunguluzi zya antu amazimbi, na pakasi ka antu imyanda, kuti yamupanzye amano.

1 Milandu 15:12

Alino ayanena ati, “Mwemwe muli ntunguluzi zya nko zya ina Levi. Mwemwe pamwi na ina Levi yauzo mulinzile mwaipaatula nu kuwezya Mbokosi ya Upangano yakwe Yawe, Leza wa ina Izlaeli. Mulete Mbokosi iyo ku ncende ino naiteyanyizizya.

1 Milandu 15:3

Davidi akonganika aina Izlaeli yonsi umu Yelusalemu kuti yaye yakasende Mbokosi ya Upangano yakwe Yawe nga yaitwale uku ncende ino wene waiteyanyizizye.

1 Milandu 24:31

Cila ntunguluzi zya mitundu, ukwika penepo nu mwina wakwe wenga, yapendola kuti yamanye umulimo uno yapilwe, ndi vino aina yao amu mupanda wakwe Aaloni yacisile, aikolo na ance kwene. Yakambone yao umwene Davidi, Zadoki, Aimeleki, ni ntunguluzi kwene zizi zyakwe yasimapepo na ina Levi.

1 Milandu 24:4

Pakasi ka amu mupanda wakwe Eleaza pazanyilwe intunguluzi izivule ukuluta mu amu mupanda wakwe Itamali. Acino Davidi wasolwile intunguluzi 16 pakasi ka amu mupanda wakwe Eleaza, nga nayauze cinani pakasi ka amu mupanda wakwe Itamali.

1 Milandu 27:1

Uu, uli utantiko wa ntunguluzi zya ndupwa zya ina Izlaeli, yamusika ya vita izimbi na yamusika ya vita umwanda onga, na akalamba yao yano yatumikilanga umwene, muli vyonsi ivikumile impuka zya vita ivyali pa luti cila mwezi mukasi ka mwaka uli onsi. Cila mpuka yakweti antu ukulingana 24,000.

1 Milandu 28:1

Umwene Davidi apeela ilamulo ku akalamba amu Izlaeli kuti yakongane ku Yelusalemu. Kuli kuti akalamba ya mitundu, yakapitao ampuka zino zyatumikilanga umwene, yamusika ampuka ya vita izimbi, na yamusika ya vita umwanda onga, na akalamba akawaka iviteekwa vyonsi ivya mwene ni vya ana yakwe aonsi, nga na akalamba ya kwisano, na antu yamaka ni vita iviposye.

1 Milandu 29:1

Pacisila cakwe vii umwene Davidi anena iumba lyonsi ilyakongine ati, “Solomoni umwanane umonsi, wino Leza wasolola, umwance nupya atakweti umanyililo wa vintu. Umulimo uukulu, pamulandu wakuti icikulwa cii ica lulumbi. Ing'anda ii isi ya muntu, lelo iyakwe Yawe Leza.

2 Milandu 1:3

Alino lyene Solomoni pamwi na antu yonsi akongine yakatuka nu kuya uku ncende yakupepela kweneko iyaku Gibyoni. Na cino yayilile kweneko umulandu wakuti ali kuno kwayelile Itaalu lya Ukongano lyakwe Yawe, lilyo lino Mose umuomvi wakwe Yawe wapanzile umu lwanga.

2 Milandu 29:20

Katondotondo pa wanda walondelela umwene Hezekiya akonganika intunguluzi zyamu musumba, nga apita nazyo ku Ng'anda ikulu yakwe Yawe.

2 Milandu 30:2

Ali cino fwandi umwene pamwi namalombwe yakwe ni uvi lyonsi lyamu Yelusalemu, yuvwana ukuti yangazevya umu mwezi wakwe ciili.