2 Kolinto 9:8 - Amazwi Yakwe Leza 2013

⁸ Nupya Leza akweti maka akumupeela kuluta pali vino mukulonda, kuti lyonsi kwene mukwate kulingana na vino mukulonda nga nu kuluta pali vivyo pakuti mwaomba mulimo uwa kwazwa yauze.

2 Kolinto 9:8 ပူးပေါင်းရင်းမြစ်များ

2 Milandu 25:9

Amaziya auzya umuntu wakwe Leza wilya ati, “Uzye cili uli apa makilogalamu yakwe siluva yano nalipa mpiti ivita vyaku Izlaeli?” Umuntu wakwe Leza aasuka ati, “Yawe angakupa ivilusile pali vivyo!”

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Mapinda 11:24

Umwi angatwalilila ukupeela ivintu vyakwe luse luse uku yauze, lyene ala akalukulunduluka umu ukankala wakwe. Lelo umwi nawe ndi wati atale aezye, ala wama sile upina utupu.

Mapinda 28:27

Wiyo akapeela ivintu ku apina, atalulilwa akantu, awe. Lelo wiyo alakana ukuyalolekesyapo, antu avule yalamutipa.

Mapinda 3:9

Uwacindika Yawe umu kumutuula icuma cako, ni vizao vyako ivyankolelo.

Hagai 2:8

Siluva na zaabu vyonsi ivyakwane.

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.

Milimo 9:36

Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

2 Kolinto 13:3

Cii cilinzile kuya cisininkizyo kuno muli ukuti Klistu akuvwangila munondi. Lino Klistu akumusunda wene atangaya nu utonte, lelo waya na maka cuze.

2 Kolinto 8:19

Wene atamanyikwa sile lelo wasololwa na mauvi kuti apita naswe lino tukusenda uwila uu uno ulaleta lulumbi ku Mwene nga nu kulanga vino tukapaalila kwazwa.

2 Kolinto 8:2

Yene yeziwe cuze na macuzi yano yapisilemo. Lelo luzango lwao lwali lukulu cuze cakuti kupeela kwao kwali kukulu cuze nanti angala yali apina cuze.

2 Kolinto 8:7

Mwemo mukacita vintu vyonsi ningo kuluta muntu ali wensi. Mukweti utailo ukome kuluta. Mukalanda ningo nupya mwamanya vintu vingi kuluta. Mukalondesya kupeela, nupya mwatutemwa cuze. Caleka ndakai mulinzile kupeela kuluta vino muntu ali wensi angacita.

2 Kolinto 9:11

Alamulenga kuya akama muli vyonsi kuti namwe mwapeela, pakuti antu aingi yataizya Leza pa mawila inu yano yakupokelela kufuma kuno tuli.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Efeso 3:20

Ndakai lulumbi luye kuli Leza, wino ali na maka akucita munotuli vintu vilusile vino tungalenga nanti vino tungelenganya.

Filipi 4:11

Ntakulanda vii pa kwelenganya ukuti nuulilwa cimwi, lelo pano nasambilila kwikuta vino nakwata.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

2 Tesalonika 2:17

alukutukomelezya nu kutupela maka akucita nu kulanda visuma lyonsi.

2 Timoti 2:21

Muntu umwi ndi waisangulula ku vintu viipe vyonsi, wene alaomviwa mu mulimo ucindame, pano wene waipelesya kuya uwa mulimo ukulu ku musambazi wakwe. Wene waiteyanya kucita visuma vyonsi.

2 Timoti 3:17

Cii cikacitika pakuti umuntu wino akatumikila Leza angalingana nupya angaiteyanya kucita misango yonsi ya vicitwa visuma.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Tito 3:14

Antu itu yalinzile kusambilila kuomvya insita zyao mu kucita visuma. Yene yalinzile kucitila antu visuma yano alingine kwazwiwa. Lyene antu itu yatalikala mwa ukasu.

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.

1 Petulo 4:10

Cila muntu akangalila wa wila pa mawila apusane kufuma kuli Leza. Acino umwangalizi musuma alinzile kuomvya uwila uiyele mu kwazwa antu yauze.