2 Kolinto 9:7 - Amazwi Yakwe Leza 2013

⁷ Cila muntu alinzile kupeela kulingana na vino wataipingula umwisikulu kwaula kusiima nanti kupatikiziwa. Pano Leza watemwa muntu wino akapela ni nsansa.

2 Kolinto 9:7 ပူးပေါင်းရင်းမြစ်များ

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

1 Milandu 29:9

Antu yazanzile wakwe cimwi pamulandu wakuti intunguluzi zyao zyapelisye kuli Yawe nu mwenzo onsi. Umwene Davidi nawe kwene wazanzile wakwe cimwi.

Kufuma 25:2

“Nena aina Izlaeli kuti yapeele amawila yao kunondi. Lyene upokelele ca wila uli onsi uno cila muntu akulonda ukupeela.

Kufuma 35:5

‘Mwapeela amawila kuli Yawe. Lyene ali wensi wino ali nu mwenzo wakupeela aiza na mawila yaa: zaabu, siluva, nu mukuwa,

Mapinda 11:25

Umuntu wa mwenzo wa luse wene alaya nu longo, na akaazwa auze nawe kwene ali nu kwazwiliziwa.

Mapinda 22:9

Kapela wa luse akapolelelwa, pano wapeela umulanda icakulya cakwe.

Ezaya 32:5

Iciwelewele citalatala camwe musambazi, nanti umuntu umutumpe kucindikwa.

Ezaya 32:8

Lelo umuntu uwa mwenzo wa ufumacumi wene akapanga sile ukucita ivintu vya mpomvu. Nupya nu kukoma wakoma ndi, umu kucita ivilungame.

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

Loma 12:8

Ndi twapelwa uwila wa kukomelezya yauze, mu cumi tulinzile kuyakomelezya. Wino wensi akwankana na auze vintu vino akweti, mu cumi alinzile apeele kwaula kuitemwa. Wino wensi ali pa utunguluzi, mu cumi alinzile aombesye ningo. Wino wensi akucitila auze milimo ya luse, mu cumi alinzile acita ni nsansa.

2 Kolinto 8:12

Ndi mukulondesya kupeela, Leza alapokelela uwila winu pakulola pali vino mukweti, pano asilolekesya pali vino mutakweti.

Malango 15:14

Uye umuntu wa wila kunoli nu kumupeela pa vintu vino Yawe wakupolelela ivili wa viteekwa vyako, imbezu ukufuma pa lwano lwa kupuulila, na waini.

Filimoni 1:14

Nanti cingaya vivyo, ntakulonda kukupatikizya kungazwa. Lelo ningatemwa ukuti wemwisikulu ungazwe kwaula kupatikiziwa. Caleka ntalacita cintu cili consi suka nkolelo utale unzumilizye.

Yakobo 5:9

Inane, mutailizyanya wenga pa muze pakuti Leza atace amupingule. Kapingula watapalama, nupya ali pipi nu kuloleka.

1 Petulo 4:9

Mwazengelana mu mang'anda inu kwaula kuilizyanya.