2 Kolinto 9:15 - Amazwi Yakwe Leza 2013

¹⁵ Lekini tutaizye Leza pa wila wakwe uwakuzunguka uno mazwi yatangalondolola!

2 Kolinto 9:15 ပူးပေါင်းရင်းမြစ်များ

1 Milandu 16:35

Mulaizye muti, “Si ututuule, we Leza Katuula witu. Utukonganike nu kutukulula ku antu amu nko, pakuti tukutaizye, nu kulumbanya izina lyako ilyamuzilo, nu kuya ni cilumba caku kulumbanya.

1 Milandu 16:8

Taizini Yawe, lumbanyini ukulu wakwe. Nenini inko ivyakuzunguka vino wene wacita.

Masamu 30:12

Ali pakuti umwenzo wane ukulumbanye ukwaula ukutonta. Caleka we Yawe Leza wane namakuwanzyanga amanda yonsi.

Masamu 30:4

Lumbanyini Yawe umu nyimbo, mwe muno mwamutemwa. Iusini ivicitwa vyakwe wiyo Uwamuzilo, nu kumutaizya.

Masamu 92:1

Cazipa ukukulumbanya wewe we Yawe, nu kukwimbila inyimbo zyakulumbanya izina lyako, We Leza wapapelapela.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Luka 2:38

Pa nsita kwene lino akwasi yatwazile umwana Yesu mu Ng'anda ikulu yakwe Leza, Ana nawe aiiza ku kupeela intaizyo kuli Leza. Alino alanda pamulandu wa mwana kuli yano yonsi alolelanga kuti Leza akulule amu Yelusalemu.

Yoane 1:16

Pamulandu wakuvula kwa cikuku cakwe twapelwa upolelelo kulunda pa upolelelo uze.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Loma 5:15

Lelo ya yaili yasi ali yamwi, pano uwila wakwe Leza utangakolana ni iifyo lyakwe Adamu. Iifyo lya muntu wenga ilyaleta imfwa pa antu aingi. Lelo cikuku nu wila wakwe Leza ivikulu cuze, pano vyaleta upolelelo ku antu aingi. Nu wila uno Leza wapela, umuntu wenga sile Yesu Klistu.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

1 Kolinto 15:57

Lelo tutaizye Leza, wino uwatupela ucimvyo mu Mwene witu Yesu Klistu.

2 Kolinto 2:14

Tutaizye Leza pano muli Klistu akatutungulula nsita zyonsi uku ucimvyo. Leza akatuomvya kuti kumanya kwakwe Klistu kusalangane konsi wa mununko usuma.

2 Kolinto 9:11

Alamulenga kuya akama muli vyonsi kuti namwe mwapeela, pakuti antu aingi yataizya Leza pa mawila inu yano yakupokelela kufuma kuno tuli.

2 Kolinto 9:14

Mu kutemwa kukulu yalamupepela pamulandu wa cikuku cakwe Leza cino wakwata kuno muli.

Efeso 5:20

Mwi zina lya Mwene witu Yesu Klistu, mwataizya Leza Tata lyonsi pa vintu vyonsi.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Umbwilo 4:9

Viumbwa vyaumi vini vyapelanga lulumbi, mucinzi nga nu kutaizya wino uwatenzi pa cilimba ca wene, wino uwaya nu umi manda pe.