2 Kolinto 8:4 - Amazwi Yakwe Leza 2013

⁴ yene yuzizye nu kutupapata kuti tuyazumilizye kukwata syuko lya kwazwa antu yakwe Leza mu Yudeya.

2 Kolinto 8:4 ပူးပေါင်းရင်းမြစ်များ

Mateo 10:42

Na wino wensi alapeela lwako lwa manzi azuke kuli wenga uwamu alondezi yane, pamulandu wakuti wene mulondezi wane, cumi namunena vino Leza atalaposiwa kumulambula.”

Mateo 12:50

Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Mako 14:7

Apina mukaya nao pe, nupya mungayazwa nsita yonsi ndi mukulonda. Lelo nemo mutalaya nani pe.

Milimo 11:29

Lyene alondezi yonsi yuvwana ukusangula vya kutuma ku kwazwa aina Klistu yauze aku Yudeya, nga cila muntu asangula kulingana na pano akwatile.

Milimo 16:15

Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.

Milimo 24:17

“Pacisila ca myaka ingi pano nafumile ku Yelusalemu, nupya naile kweneko kuti ntwalile antu amu luko lwane uwila uno yantumilizye nga na kuti nkapele impolelwa.

Loma 15:31

Pepini pakuti ntaponela mu makasa yakwe yao atataila amu Yudeya nga na pakuti kutumikila kwane mu Yelusalemu kungapokelelwa na antu yakwe Leza aya mwenemo.

1 Kolinto 16:1

Lino mukupoka uwila wakwazwa antu yakwe Leza amu Yudeya, nkulonda kuti mwacita ndi vino nanenyile mauvi amu Galatiya.

1 Kolinto 16:15

Inane, mwamanya vino Sitefano pamwi na amu ng'anda yakwe ayano yatandike kuya aina Klistu a nkolelo mu mpanga ya Akaya nupya yaipela aisikulu ku kuomba vyonsi vino yangacita pamulandu wa antu yakwe Leza. Inane, nkumupapata,

2 Kolinto 9:1

Citakulondekwa kuti mulembele pamulandu wa kwazwa kuno mwapanga kupeela ku antu yakwe Leza amu Yudeya.

Galatiya 2:10

Cintu cino yene yuzizye sile kunotuli cakuti tulinzile kwiusya kusakamala apina aya mwi umba lyao, na cii cili cino nalondesyanga kucita.

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.