2 Kolinto 8:23 - Amazwi Yakwe Leza 2013

²³ Tito wene muomvi unji, nupya wene akaomba pamwi nani mu kwazwa mwemwe. Ndi vino cili pamulandu wa ina itu yauze mu utailo yano akupita pamwi nawe, yene yatumwa na mauvi nupya yakaletela Klistu lulumbi.

2 Kolinto 8:23 ပူးပေါင်းရင်းမြစ်များ

Luka 5:10

Nga Yakobo na Yoane, ana yakwe Zebedi, ali yacuza yakwe Simoni, nao kwene yazunguka. Lyene Yesu anena Simoni ati, “Utoopa. Kufuma ndakai umavuwanga antu.”

Luka 5:7

Alino yakapizya auze ali mu wato uze kuti iize yayazwe. Lyene iiza, yazuzya mato oili cakuti yali pipi nu kuunda.

Yoane 13:16

Cumi namunena vino kusi muomvi alusile mwene wakwe, nanti nkombe yaluta wino waituma.

1 Kolinto 11:7

Cisyalondekwa kuti monsi avimba cimwi ku mutwe wakwe, pano wene akalangizya cata nga nu lulumbi lwakwe Leza. Lelo mwanaci wene akalangizya lulumbi lwa monsi.

2 Kolinto 12:18

Nakomelizye Tito kuti amutandalile, nupya namutumile pamwi nu mwina witu mu utailo. Uzye lyene mwemo mungati Tito wamulilile pa mitwe? Uzye Tito nani tutelenginye nu kucita mu musango uli onga kwene?

2 Kolinto 7:6

Lelo Leza akakomelezya antu atonte myenzo nupya watukomelizye lino watumile Tito kuno tuli.

2 Kolinto 8:16

Tukutaizya Leza cuze pa kulenga kuti Tito alondesye kumwazwa wakwe vino naswe tukacita kuno muli.

2 Kolinto 8:18

Pali pamwi na Tito twatuma wenga mwina witu mu utailo wino uwamanyika cuze mu mauvi, mu mulimo uwa kusalanganya Ilandwe Lisuma.

2 Kolinto 8:19

Wene atamanyikwa sile lelo wasololwa na mauvi kuti apita naswe lino tukusenda uwila uu uno ulaleta lulumbi ku Mwene nga nu kulanga vino tukapaalila kwazwa.

2 Kolinto 8:22

Nupya tumatuma mwina witu mu utailo namuze pamwi na Tito. Wene twamusininkizya ningo. Mu cumi twalola maila aingi ukuti wene akulonda kwazwa. Na ndakai kwene acili akulonda kwazwa yauze nu kuluta, pamulandu wakuti mwemo wamutaila cuze.

2 Kolinto 8:6

Acino swemo twakonkomizye Tito, wino uwatandike mulimo uu, kuti atwalilile nga na kuti amwazwe kumalila kutumikila kwene kuu ukwa kutemwa.

Filipi 2:25

Nelenginye ukuti calondekwa kutuma mwina witu Epaflodito kunomuli. Wene mulondezi, nupya muomvi ni cita ca Mwene, ndi vino indi. Mwemo mwamutumile kuti aiize mukungazwa.

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Kolose 1:7

Mwasambilile cikuku cakwe Leza kuli Epafula, muomvi unji mukundwe nupya uwacumi wino mucifulo cakwe sweswe akatumikila Klistu.

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

2 Timoti 4:10

Demasi wene watemwa ivyamu nsi nupya wamfutatila, waya ku Tesalonika. Klesensi wene wapita ku Galatiya, Tito nawe ku Dalamatiya.

Tito 1:4

Nkulembela we Tito. Wemo ukoline wa mwanane inkonko, pano wewe nani twaya mu utailo onga. Cikuku nu mutende vifume kuli Leza Tata na Klistu Yesu Katuula witu viye kunuli.

Filimoni 1:17

Caleka ndu kanjelenganya wakwe cuza kunuli, lyene uzengele Onesimasi ndi vino unganzengela.

Filimoni 1:24

Aomvi yanji, Mako, Alisitako, Demasi, na Luka yamulamuka.

3 Yoane 1:8

Swe ina Klistu, lyene tulinzile ukwazwa antu yaa pakuti tukumeko ku mulimo wao uwa kusalanganya ilandwe.