2 Kolinto 8:16 - Amazwi Yakwe Leza 2013

¹⁶ Tukutaizya Leza cuze pa kulenga kuti Tito alondesye kumwazwa wakwe vino naswe tukacita kuno muli.

2 Kolinto 8:16 ပူးပေါင်းရင်းမြစ်များ

2 Milandu 31:8

Walanga Hezekiya pamwi ni vilolo vyakwe yiza yalola imitumba, yatasya Yawe nga apolelela na antu yakwe aina Izlaeli.

Ezila 7:27

Ezila avwanga ati, “Alumbanyiwe Yawe, Leza wa vikolwe vitu, wino wika ilango mu mwenzo wa mwene kuti mu musango ukwene wakuitemelwa amuno acindikile Ng'anda ikulu yakwe Yawe yamu Yelusalemu.

Neemiya 2:12

nga alino nakatwike usiku, ala tuli na antu yamwi. Intayanenyile vino Yawe Leza wane aisile umu mwenzo wane, ivya kucitila Yelusalemu. Ntakweti citeekwa nanti conga suka sile punda wino nakwezilepo.

Yelemiya 31:31

Yawe wavwanga wati, “Amanda yaliza lino ndapangana upangano upya na ang'anda yakwe Izlaeli na Yuda.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

2 Kolinto 7:12

Lino nalemvile kalata, asi pamulandu wakupeela mulandu kuli wiyo uwaluvyanyizye nanti kuvwangila muntu wino wifizye. Nalemvile kalata kuti Leza amulange paswe kusakamala kuno mwatusakamala.

2 Kolinto 7:7

Asi kwiza kwakwe Tito ukwatukomelizye sile, lelo na mazwi yano watunenyile pali vino mwamukomelizye. Wene watunenyile ukuti mwemo mukulondesya kulolana nani, na pa ulanda uno mukuuvwa nga nu kusakamala kuno mukweti pali nene ukwa kuncingilila. Na cii, candenzile kuya nu luzango lukulu.

2 Kolinto 8:23

Tito wene muomvi unji, nupya wene akaomba pamwi nani mu kwazwa mwemwe. Ndi vino cili pamulandu wa ina itu yauze mu utailo yano akupita pamwi nawe, yene yatumwa na mauvi nupya yakaletela Klistu lulumbi.

2 Kolinto 8:6

Acino swemo twakonkomizye Tito, wino uwatandike mulimo uu, kuti atwalilile nga na kuti amwazwe kumalila kutumikila kwene kuu ukwa kutemwa.

Filipi 2:20

Kusi namuze wakwe Timoti angaya nu mwenzo ndu wane wakusakamala pali mwemwe.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

Umbwilo 17:17

Pano Leza wiika mu myenzo yao kuti yafikilizye kulonda kwakwe na kuti yawikizyanye nu kupeela uwene wao ku cilyanyi kufika lino mazwi yakwe Leza yalafikiliziwa.