2 Kolinto 8:10 - Amazwi Yakwe Leza 2013

¹⁰ Ilango lino nkweti ilyakuti cingamuzipila kumalila vino mwatandike mwacizo. Mwemo mwali a nkolelo, asi sile mu kucita, lelo nu mu kutemwa kucita.

2 Kolinto 8:10 ပူးပေါင်းရင်းမြစ်များ

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Mateo 10:42

Na wino wensi alapeela lwako lwa manzi azuke kuli wenga uwamu alondezi yane, pamulandu wakuti wene mulondezi wane, cumi namunena vino Leza atalaposiwa kumulambula.”

Yoane 11:50

Uzye mutange mwelenganye vino cingazipa kuti umuntu wenga afwile antu, kuluta kuti antu yonsi amu luko lonsi yalowe?”

Yoane 16:7

Lelo nkumunena cumi vino camuzipila kuti mpite, pano ndi ntapisile kaazwa ataliza kunomuli. Lelo ndi napita lyene ndamutuma kunomuli.

Yoane 18:14

Kayafa ali wino wapile intunguluzi zya Ciyuda ilango lyakuti cingazipa kuti umuntu wenga afwile antu onsi.

1 Kolinto 10:23

Swemo tungati, “Vintu vyonsi vyazumiliziwa kunotuli,” lelo asi vyonsi vingatwazwa. Vintu vyonsi vyazumiliziwa, lelo asi vyonsi vili nu muzano.

1 Kolinto 16:2

Cila wanda uwakutandika mulungu cila wenga uwa munomuli alinzile apaatule impiya zimwi pa mbali nu kusunga kulingana na vino walonka, pakuti kutakaye kusangula kwa mpiya lino ndiza.

1 Kolinto 6:12

Umwi angati, “Vintu vyonsi vyazumiliziwa kunondi.” Endi, asi vyonsi vingakwazwa. Nemo ningati, “Vintu vyonsi vyazumiliziwa kunondi.” Endi, lelo ntangazumilizya cimwi cincite uzya.

1 Kolinto 7:25

Pali vino mwalemvile pamulandu wa antu atatwala, nemo ntakweti lamulo kufuma ku Mwene. Lelo nkupeela langulusi lyane wakwe umwi wino angatailwa pano Mwene waya na mizu kunondi.

1 Kolinto 7:40

Nanti cingaya vivyo, mwanaci wiyo angaya ni nsansa kuluta ndi cakuti wikala kwaula kutwalwa. Lii, lili langulusi lyane, nupya nani kwene nkwelenganya vino nkweti Mupasi Wamuzilo.

2 Kolinto 12:1

Namaitumika, nanti angala musi cimwi cino ningalonka mukuitumika. Lelo ndakai namalanda pa vilolwa vino Mwene wampile nga ni vintu vino wene waumbula kunondi.

2 Kolinto 8:6

Acino swemo twakonkomizye Tito, wino uwatandike mulimo uu, kuti atwalilile nga na kuti amwazwe kumalila kutumikila kwene kuu ukwa kutemwa.

2 Kolinto 8:8

Nemo nsyakupeela ilamulo lili lyonsi. Lelo apa kumulanga vino antu yauze yakalondesya kwazwa, nkwezya kumanya kutemwa kuno mwakwata ndu kwa cumi.

2 Kolinto 9:2

Manyile vino mukulondesya kupeela. Acino nemo namaitumika ku alondezi ya Mwene amu Makedoniya kuti mwe antu amu Akaya mwaiteinye kufuma mwacizo. Ndakai kulondesya kwinu kwa kupeela kwalenga kuti nao kwene yalondesye kupeela.

Filipi 4:17

Asi pamulandu wakuti nkulonda sile kupokelela cimwi kufuma kunomuli, lelo nkulonda kuti namwe mupokelele upolelelo kufuma mu kupeela.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.