2 Kolinto 7:7 - Amazwi Yakwe Leza 2013

⁷ Asi kwiza kwakwe Tito ukwatukomelizye sile, lelo na mazwi yano watunenyile pali vino mwamukomelizye. Wene watunenyile ukuti mwemo mukulondesya kulolana nani, na pa ulanda uno mukuuvwa nga nu kusakamala kuno mukweti pali nene ukwa kuncingilila. Na cii, candenzile kuya nu luzango lukulu.

2 Kolinto 7:7 ပူးပေါင်းရင်းမြစ်များ

Masamu 141:5

Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Masamu 38:18

Kwene nkuilongwela ukwifya kwane, nu kusakamala nene musakamale apa kwifya kwane.

Masamu 51:1

Njeleko uluse we Leza pano wewe waluse uluvule. Mfumizye iviipe vyane vyonsi, pano wemo wakwatisya amizu.

Mateo 26:75

Lyene Petulo aiusya vino Yesu wamunenyile ati, “Lino mukolwe atacili alamule, wemo umankana maila yatatu ale ukuvwanga vino utamanyile.” Alino Petulo afumila panzi nga alila minsozi nu ulanda ukulu cuze.

Mateo 5:4

Alongo antu yano yakauvwa ulanda. Pano Leza alayasansamusya.

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Loma 1:12

Ntwazile mukuti utailo uno mukweti wakomya utailo wane, nane utailo uno nakwata wakomya utailo winu.

1 Kolinto 5:2

Uzye lyene mungaitumika uli? Mulinzile kuvwa ulanda pa cintu cii, nu kuzinga umuntu wiyo mu utandano, wino uwacita cintu cii.

2 Kolinto 1:14

wakwe vino mwatuvwa sile mbali. Lyene lino Mwene Yesu alawela, mulaya ni cilumba pamulandu witu wakwe vino twaya ni cilumba pamulandu winu.

2 Kolinto 1:4

Wene akatwazwa mu ntazi zitu zyonsi, pakuti naswe tungaya na maka akwazwa antu yauze yano akweti intazi zya misango yonsi, tula tukuomvya kutekeziwa kuli kumwi kuno twapokelela kufuma kuli Leza.

2 Kolinto 2:9

Nalemvile kalata wiya kuti nezye kumanya ndi mukaposya mu mezyo nupya ndi munganjela muli vyonsi.

2 Kolinto 5:2

Lino tucili pano pa nsi, tukateta pano tukulonda kwikala mu wikalo ulya uwa mwi yulu.

2 Kolinto 7:6

Lelo Leza akakomelezya antu atonte myenzo nupya watukomelizye lino watumile Tito kuno tuli.

2 Kolinto 7:8

Pano nanti angala kalata wane wamulenzile kuya nu ulanda, ntakuuvwa ui wakuti nalemvile. Nkolelo nuvwile ui lelo ndakai cisi vivyo. Manyile vino mazwi amuli kalata wiyo yamucisile panono.

2 Kolinto 8:16

Tukutaizya Leza cuze pa kulenga kuti Tito alondesye kumwazwa wakwe vino naswe tukacita kuno muli.

Filipi 1:20

Cintu cino nkalonda nu kupaalila icakuti ntacitisya Klistu insonyi, nkupaalila kuya muposye ndakai ndi vino naya lyonsi kuti Klistu acindikilwe munondi lino indi nu umi nanti mufwe.

Kolose 2:5

Pano nanti angala nsi pamwi namwe, lelo nkaetetwila vintu uti indi pamwi namwe. Indi ni nsansa zya kumanya ukuti mukwikala umi uno mulinzile kwikala nga nu utailo uno mukweti muli Klistu wene ukomeleke.

1 Tesalonika 3:6

Ndakai Timoti wataweluluka, nupya watatunena vya pa utailo winu nu kutemwa kwinu. Wene watunenyile ukuti mwemo lyonsi mukatwelenganya ningo nga nu kuti mukalondesya kutulola, wakwe vino naswe tukalondesya kumulola.

1 Tesalonika 3:8

Pasi pano mu cumi tuli nu umi ndi cakuti mwemo mwimilila ndii mu umi winu mu Mwene.

Ayebulai 2:1

Cili cino tulinzile kwika mano cuze ku mazwi ya cumi yano tuuvwa, nu kukana tintilwa kuze.

Yakobo 5:17

Eliya wali umuntu uwali wakwe sweswe. Wene wapefile nu mwenzo onsi kuti imvula itatonya, kulingana ni myaka itatu na citika imvula itatonyizye.

2 Yoane 1:4

Nali nu luzango cuze pa kuzana ukuti ana yako yamwi yakayela nu kulondela cumi wakwe vino Tata watupeela ilamulo.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.