2 Kolinto 7:5 - Amazwi Yakwe Leza 2013

⁵ Na lino twafisile mu Makedoniya tutakweti kupuza kumwi. Konsi kwali intazi, kulemanila na antu yauze nga ni ngofyo mu myenzo itu.

2 Kolinto 7:5 ပူးပေါင်းရင်းမြစ်များ

Utandiko 8:9

Lelo inkunda iposiwa kuzana pa kwikala pano amanzi ala yatali yakame. Caleka iswilila kuli Nowa nga nawe atambika ikasa aingizya mu cange.

Yobo 18:11

Fwandi ivyakumofya vyamutengamila monsi monsi, vyalimbikana nawe monsi muno angapita.

Ezaya 33:12

Antu ya mitundu yuze, yalatulumana witwi, yalaloka wa myunga ino yatiipya.”

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Yelemiya 45:3

‘Wemuno ukailizyanya uti, kalanda kasikolo ala nsyame mwe! Nemo Yawe akandundila sile ucuzi apa macuzi yane. Nintonta sana muno nkuteta, nsikukasula nu utulo!’ ”

Yelemiya 6:25

Cisi cakwezya umwi kufumila mu vyalo nanti umu nzila. Pasi pano mwene muli ulupanga lwa mwanisi. Uzanzo watiutulizizya konsi konsi.”

Yelemiya 8:18

Iyee mwe, ala ulanda wane utangasila. Umwenzo wane pasi pakunyongoloka.

Milimo 20:1

Walanga mpanzela yasila, Paulo aama alondezi ayakomelezya, nga ayapakasya, apita aya ku Makedoniya.

Loma 15:26

Pano mauvi aku Makedoniya nu ku Akaya mukuitemelwa yasola ukusangula uwila wakwazwa antu yakwe Leza, apina amu Yelusalemu.

1 Kolinto 15:31

Inane cila wanda nemo nkalolenkana ni mfwa. Kuitakizya kuno nkweti munomuli pamulandu wakwe vino Klistu wacita ukwalenga kuti ndande vii.

1 Kolinto 16:5

Ndiza mfike kunomuli pacisila ca kupita mu mpanga ya Makedoniya.

2 Kolinto 2:13

Lelo nasakamikwe cuze, pano naposiwe kuzana mwina witu Tito. Caleka napakisye antu kweneko nga mpita ku Makedoniya.

2 Kolinto 2:3

Cino nkulonda kuya nu luzango apamulandu wakuti namwe kwene muye nu luzango. Nalemvile kalata pano ntalondanga kumutandalila nu kundenga kuvwa ulanda, mucifulo cakuti mwemwe mulinzile kundenga kuya nu luzango.

2 Kolinto 2:9

Nalemvile kalata wiya kuti nezye kumanya ndi mukaposya mu mezyo nupya ndi munganjela muli vyonsi.

Galatiya 4:11

Nemo nati nsakamikwa pamulandu namwe! Uzye ale limwi ukuomba kwane pakasi kinu ukwasilesile?

Malango 32:25

Inkondo ilayaletela imfwa mu miseo, mu mang'anda yao mulaya ingofyo. Alumendo na akazyana yalafwa. Kutalaya twana utunya nanti akoloci alapusuka.

1 Tesalonika 3:5

Uli mulandu uno natumile Timoti. Naposiwe kulolela. Caleka namutumile kuti aiize alondelezye nu kumanya ningo vya pa utailo winu. Cumi kwene nemo napaalile ukuti Ciwa atatunsile mwemwe nu kulenga mulimo witu kuya uwasilesile.