2 Kolinto 7:3 - Amazwi Yakwe Leza 2013

³ Ntakulanda cii pakuti mupele mulandu. Lelo wakwe vino nalanzile nkolelo, mwemo tutalatala tumwilile lyonsi lino tuli nu umi nanti mu mfwa.

2 Kolinto 7:3 ပူးပေါင်းရင်းမြစ်များ

2 Kolinto 11:11

Uzye pacani cino nalandila vii? Uzye kuli kuti ntamutemwa? Leza wamanya kuti namutemwa.

2 Kolinto 12:15

Acino nemo ndapela ni nsansa vyonsi vino nakwata pamwi nu umi wane. Namutemwa cuze, uzye lyene mwemo mumantemwa panono?

2 Kolinto 13:10

Nkulemba vintu vii kuno muli lino ntali mfike kuno muli. Cili pamulandu wakuti nemo ntaya na kasokonda kuno muli apa kuomvya maka yano Mwene wampela. Napiilwe maka yaa pakuti nazwe mwemwe kuluta kuti monone.

2 Kolinto 3:2

Kalata witu amwemwe, uwalembwa mu myenzo itu kuti muntu wensi angawelenga nu kuvwa.

2 Kolinto 7:12

Lino nalemvile kalata, asi pamulandu wakupeela mulandu kuli wiyo uwaluvyanyizye nanti kuvwangila muntu wino wifizye. Nalemvile kalata kuti Leza amulange paswe kusakamala kuno mwatusakamala.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

1 Tesalonika 2:8

Pamulandu wa kumutemwa kuno twamutemwa, swemo twaiteinye kumusakamala, cakuti twalondesyanga kupeela maumi itu kunomuli lilyo lino twakosozile Ilandwe Lisuma kunomuli. Mwemo mwali akundwe cuze kunotuli.