2 Kolinto 7:14 - Amazwi Yakwe Leza 2013

¹⁴ Namunenyile vino nkailumba pali vino mwaya, nga namwe mutandenga kuya uwa nsonyi. Ndi vino lyonsi tukulanda cumi kuno muli, avino cili pali vino nanenyile Tito ivya pali mwemwe.

2 Kolinto 7:14 ပူးပေါင်းရင်းမြစ်များ

Yoane 17:19

Pamulandu wao nemo naitula kunuli kuya uwakwako, kuti nao kwene yaitule kunuli yaye akwako mu cumi.

2 Kolinto 10:8

Manye nemo nati njitumika cuze pamulandu wa maka yano Mwene wampela akuti mwazwe kwaula kumucisa. Lelo ntakuzewana pamulandu wa kuitumika.

2 Kolinto 12:6

Ndi nalondanga kuitumika, ntangaya mutumpe, pano ale nemo nkulanda cumi. Lelo nemo ntalezya kuitumika, pano ntakulonda muntu nanti umwi anjelenganya kuluta pa cipimo ca vintu vino mwalola nkucita nu kuvwanga.

2 Kolinto 2:13

Lelo nasakamikwe cuze, pano naposiwe kuzana mwina witu Tito. Caleka napakisye antu kweneko nga mpita ku Makedoniya.

2 Kolinto 7:13

Acino naswe twakomeleziwe cuze. Nu kuluta pa kukomeleziwa, catuzanzizye cuze pakulola vino Tito wali nu luzango pano mwensi mwamupile nsansa lino wali namwe.

2 Kolinto 7:4

Mwemo namutaila cuze. Lyonsi nkaya ni cilumba pamulandu winu, nga nupya nkakomeleka cuze. Mu ntazi zyane zyonsi nemo ncili nu luzango.

2 Kolinto 7:6

Lelo Leza akakomelezya antu atonte myenzo nupya watukomelizye lino watumile Tito kuno tuli.

2 Kolinto 8:24

Mulange kutemwa kwinu kuno yali, pakuti mauvi yonsi yasininkizye cii, vino tukuitumika pali mwemwe.

Filipi 1:26

Mulaya ni nsansa lino ndaya namwe nupya pakuti mwailumba pamulandu wane nu umi winu muli Klistu.

2 Tesalonika 1:4

Uli mulandu uno swemo tukaitumika pamulandu winu mu mauvi yakwe Leza. Swemo tukaitumika pa kutwalilila kwinu ukwa kuposya, nga nu kutaila lino mukupita mu kuzunyiwa nu mu macuzi amuponile.