2 Kolinto 7:13 - Amazwi Yakwe Leza 2013

¹³ Acino naswe twakomeleziwe cuze. Nu kuluta pa kukomeleziwa, catuzanzizye cuze pakulola vino Tito wali nu luzango pano mwensi mwamupile nsansa lino wali namwe.

2 Kolinto 7:13 ပူးပေါင်းရင်းမြစ်များ

Loma 12:15

Muzange pamwi na yao akuzanga, losyini pamwi na yao akulosya.

Loma 15:32

Acino lyene Leza ndi akasi ndiza kunomuli nu luzango cuze, nga ndatemwa pa kumutandalila nupya.

1 Kolinto 12:26

Ndi cilundwa conga ca mwili cacula, ni vilundwa vyuze navyo vikaculila pamwi naco. Ndi cilundwa conga ca mwili catasiwa, ni vilundwa vyuze navyo vikakumako ku luzango lwakweco.

1 Kolinto 16:13

Pempulini nu kukomeleka mu utailo, posyini, muye na maka.

1 Kolinto 16:18

Yene yandenzile kuvwa ningo kuluta, wakwe vino namwe yamulenzile kuvwa ningo. Antu ali ndi yaa mulinzile kuyataizya.

2 Kolinto 2:13

Lelo nasakamikwe cuze, pano naposiwe kuzana mwina witu Tito. Caleka napakisye antu kweneko nga mpita ku Makedoniya.

2 Kolinto 2:3

Cino nkulonda kuya nu luzango apamulandu wakuti namwe kwene muye nu luzango. Nalemvile kalata pano ntalondanga kumutandalila nu kundenga kuvwa ulanda, mucifulo cakuti mwemwe mulinzile kundenga kuya nu luzango.

2 Kolinto 7:14

Namunenyile vino nkailumba pali vino mwaya, nga namwe mutandenga kuya uwa nsonyi. Ndi vino lyonsi tukulanda cumi kuno muli, avino cili pali vino nanenyile Tito ivya pali mwemwe.

2 Kolinto 7:15

Acino Tito watemwisya mwensi kwene, maka maka ndi wiusya vino mwayelanga mazwi yakwe nga na vino mwazakazanga nu koopa lino mwamuzengile.

2 Kolinto 7:6

Lelo Leza akakomelezya antu atonte myenzo nupya watukomelizye lino watumile Tito kuno tuli.

Filipi 2:28

Ndakai nkulondesya kutuma Epaflodito kunomuli pakuti muye ni nsansa zya kumulola nupya, na kuti ulanda uno indi nao usile.

2 Timoti 1:16

Mwene aye na mizu ku amu ng'anda yakwe Onesifolasi, pano wene wansansamusyanga maila aingi. Wene atali ni nsonyi pamulandu wakuti nemo nali mu ng'anda yaminyololo.

Filimoni 1:20

Caleka mwinane, nakupapata uncitile uwazwilizyo pamulandu wa Mwene. Wa mwina muli Klistu, wemo ulinzile kunsansamusya!

Filimoni 1:7

We mwinane mukundwe, kutemwa kuno wakwata kwatuletela luzango lukulu nu ukomelezyo cuze! Wemo wasansamusya myenzo ya antu yakwe Leza onsi.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.